കൊച്ചി എരൂരിൽ ലോറി ഡ്രൈവർക്ക് നേരെ തെരുവുനായ്ക്കളുടെ അതിക്രൂരമായ ആക്രമണം. അടിമാലി സ്വദേശിയായ പൗലോസിനെയാണ് ഇന്ന് രാവിലെ ആറ് നായ്ക്കൾ ചേർന്ന് വളഞ്ഞിട്ട് ആക്രമിച്ചത്. അടിമാലിയിൽ നിന്ന് പന്തൽ നിർമ്മാണ സാമഗ്രികളുമായി എത്തിയ പൗലോസ്, എരൂർ സെൻട്രൽ വെയർ ഹൗസിന് സമീപം ലോറി ഒതുക്കി വിശ്രമിക്കുകയായിരുന്നു. ഈ സമയത്ത് ലോറിക്ക് അടിയിൽ നായ്ക്കൾ കടിപിടികൂടുകയും ബഹളം വെക്കുകയും ചെയ്തതോടെ അവയെ ഓടിക്കാനായി താഴെയിറങ്ങിയ പൗലോസിനെ നായ്ക്കൾ കൂട്ടത്തോടെ ആക്രമിക്കുകയായിരുന്നു.
മുഖത്തും കൈകളിലും ശരീരമാസകലവും നായ്ക്കളുടെ കടിയേറ്റ് പൗലോസിന് ഗുരുതരമായി പരിക്കേറ്റു. ആക്രമണത്തിൽ നിന്ന് രക്ഷപ്പെടാനായി ഇദ്ദേഹം സമീപത്തെ ഇതരസംസ്ഥാന തൊഴിലാളികൾ താമസിക്കുന്ന ഇടത്തേക്ക് ഓടിക്കയറുകയായിരുന്നു. ആദ്യം കളമശ്ശേരി മെഡിക്കൽ കോളേജിൽ പ്രവേശിപ്പിച്ച ഇദ്ദേഹത്തെ പിന്നീട് വിദഗ്ധ ചികിത്സയ്ക്കായി അടിമാലി സർക്കാർ ആശുപത്രിയിലേക്ക് മാറ്റി.
The post എരൂരിൽ ലോറി ഡ്രൈവർക്ക് നേരെ തെരുവുനായ്ക്കളുടെ ക്രൂര ആക്രമണം; ഗുരുതര പരിക്ക് appeared first on Express Kerala.
