സ്മാർട്ട്ഫോൺ ലോകം ആകാംക്ഷയോടെ കാത്തിരിക്കുന്ന സാംസങ് ഗാലക്സി എസ്26 സീരീസ് ഫെബ്രുവരി 25-ന് പുറത്തിറങ്ങും. സാൻ ഫ്രാൻസിസ്കോയിൽ നടക്കുന്ന ‘ഗാലക്സി അൺപാക്ക്ഡ് 2026’ ഇവന്റിലാണ് പുത്തൻ ഹാൻഡ്സെറ്റുകൾ അവതരിപ്പിക്കുക. ഇന്ത്യൻ സമയം രാവിലെ 11:30-ന് ആരംഭിക്കുന്ന ചടങ്ങ് സാംസങ്ങിന്റെ ഔദ്യോഗിക വെബ്സൈറ്റിലൂടെയും യൂട്യൂബ് ചാനലിലൂടെയും തത്സമയം കാണാൻ സാധിക്കും. ഗാലക്സി എസ്26, എസ്26 പ്ലസ്, എസ്26 അൾട്ര എന്നിങ്ങനെ മൂന്ന് മോഡലുകളാണ് ഈ സീരീസിൽ പ്രതീക്ഷിക്കുന്നത്.
ലോഞ്ചിന് മുന്നോടിയായി ഇന്ത്യയിൽ ഫോണുകളുടെ പ്രീ-റിസർവേഷൻ സാംസങ് ആരംഭിച്ചു കഴിഞ്ഞു. സാംസങ് ഇന്ത്യ സ്റ്റോർ വഴി 999 രൂപ നൽകി ഫോണുകൾ മുൻകൂട്ടി ബുക്ക് ചെയ്യാം. ഇങ്ങനെ ബുക്ക് ചെയ്യുന്നവർക്ക് 2699 രൂപ വിലമതിക്കുന്ന വൗച്ചറുകൾ ഉറപ്പായും ലഭിക്കുമെന്ന് കമ്പനി അറിയിച്ചു. ഈ തുക പൂർണ്ണമായും റീഫണ്ട് ലഭിക്കുന്നതാണ്. പുത്തൻ പ്രൈവസി ഡിസ്പ്ലേ ഫീച്ചറും പരിഷ്കരിച്ച ക്യാമറ ഡിസൈനുമാണ് ഈ സീരീസിലെ പ്രധാന ആകർഷണങ്ങൾ.
Also Read: ഒടിപി തട്ടിപ്പിന് എഐ പൂട്ടിടും! ഉപഭോക്താക്കൾക്കായി പുതിയ സുരക്ഷാ കവചവുമായി എയർടെൽ
മികച്ച സാങ്കേതിക കരുത്തുമായാണ് എസ്26 അൾട്ര എത്തുന്നത്. 200എംപി മെയിൻ ക്യാമറയും സ്നാപ്ഡ്രാഗൺ 8 എലൈറ്റ് ജെൻ 5 ചിപ്സെറ്റും ഈ ഫോണിന്റെ പ്രത്യേകതയായിരിക്കും. 5000 mAh ബാറ്ററിയും ഇതിലുണ്ടാകും. എസ്26, എസ്26 പ്ലസ് മോഡലുകളിൽ 50എംപി പ്രധാന ക്യാമറയും രാജ്യത്തിനനുസരിച്ച് എക്സിനോസ് 2600 അല്ലെങ്കിൽ സ്നാപ്ഡ്രാഗൺ ചിപ്സെറ്റുകളും പ്രതീക്ഷിക്കുന്നു. വയർലെസ് ചാർജിംഗ് സൗകര്യവും മെച്ചപ്പെട്ട ബാറ്ററി ലൈഫും വാഗ്ദാനം ചെയ്യുന്ന ഈ ഫോണുകൾ പ്രീമിയം സ്മാർട്ട്ഫോൺ വിപണിയിൽ വലിയ ചലനം സൃഷ്ടിക്കുമെന്നുറപ്പാണ്.
The post 200എംപി ക്യാമറയുമായി സാംസങ് ഗാലക്സി എസ്26 എത്തുന്നു! ലോഞ്ച് ഫെബ്രുവരി 25ന്, പ്രീ-ബുക്കിംഗ് ആരംഭിച്ചു appeared first on Express Kerala.
