2026 ടി20 ലോകകപ്പിൽ പാകിസ്ഥാനെ തകർത്ത് സൂപ്പർ എട്ടിലേക്ക് മുന്നേറിയ ആവേശത്തിലാണ് ഇന്ത്യൻ ടീം. കിരീടത്തിൽ കുറഞ്ഞതൊന്നും ലക്ഷ്യമിടാത്ത ടീം ഇന്ത്യയെ സംബന്ധിച്ച് മറ്റൊരു സുപ്രധാന വാർത്ത കൂടി ഇപ്പോൾ പുറത്തുവരുന്നു. മുഖ്യ പരിശീലകൻ ഗൗതം ഗംഭീറിന്റെ കരാർ 2028-ലെ ലോസ് ആഞ്ചലസ് ഒളിമ്പിക്സ് വരെ നീട്ടിയേക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.
നിലവിൽ 2027-ലെ ഏകദിന ലോകകപ്പ് വരെയാണ് ഗംഭീറും ബിസിസിഐയും തമ്മിലുള്ള കരാർ. എന്നാൽ 128 വർഷത്തിന് ശേഷം ക്രിക്കറ്റ് ഒളിമ്പിക്സിലേക്ക് തിരിച്ചെത്തുന്ന 2028 വരെ ഗംഭീർ തുടരണമെന്നതാണ് ബിസിസിഐയുടെ താല്പര്യം. തീരുമാനം പൂർണ്ണമായും ഗംഭീറിന്റെ താല്പര്യത്തിന് വിട്ടിരിക്കുകയാണെങ്കിലും, ഒളിമ്പിക്സ് മെഡൽ എന്ന ലക്ഷ്യം കൂടി മുൻനിർത്തി കരാർ പുതുക്കാൻ സാധ്യതയുണ്ട്.
Also Read:മഴ വില്ലനായി! ടി20 ലോകകപ്പിൽ നിന്ന് ഓസ്ട്രേലിയ പുറത്ത്! സിംബാബ്വെ സൂപ്പർ 8-ൽ
അതേസമയം, ഐപിഎൽ ഫ്രാഞ്ചൈസിയായ രാജസ്ഥാൻ റോയൽസിൽ നിന്ന് ഗംഭീറിന് വമ്പൻ ഓഫർ ലഭിച്ചതായും സൂചനയുണ്ട്. ടീമിന്റെ സിഇഒ, മെന്റർ എന്നീ പദവികൾക്ക് പുറമെ ഫ്രാഞ്ചൈസിയുടെ ഓഹരി പങ്കാളിത്തം വരെയാണ് രാജസ്ഥാൻ വാഗ്ദാനം ചെയ്തിരിക്കുന്നത്. എന്നാൽ ‘ഒരാൾക്ക് ഒരു പദവി’ എന്ന നിയമം നിലവിലുള്ളതിനാൽ, രാജസ്ഥാൻ റോയൽസിന്റെ ഭാഗമാകണമെങ്കിൽ ഗംഭീറിന് ഇന്ത്യൻ പരിശീലക സ്ഥാനം ഒഴിയേണ്ടി വരും. നിലവിൽ ഇന്ത്യൻ ടീമിനൊപ്പം മികച്ച മുന്നേറ്റം നടത്തുന്ന ഗംഭീർ ഈ ഓഫർ സ്വീകരിക്കാൻ സാധ്യത കുറവാണെന്നാണ് ക്രിക്കറ്റ് വൃത്തങ്ങൾ വിലയിരുത്തുന്നത്.
The post ഗംഭീർ 2028 ഒളിമ്പിക്സ് വരെ തുടർന്നേക്കും; ഇന്ത്യൻ കോച്ചിന്റെ കരാർ നീട്ടാൻ ബിസിസിഐ appeared first on Express Kerala.