ടി20 ലോകകപ്പിലെ നിർണ്ണായകമായ ജീവൻമരണപ്പോരാട്ടത്തിൽ നമീബിയക്കെതിരെ ടോസ് നേടിയ പാകിസ്ഥാൻ ബാറ്റിംഗ് തിരഞ്ഞെടുത്തു. ഇന്ത്യക്കെതിരായ മത്സരത്തിൽ കനത്ത തോൽവി ഏറ്റുവാങ്ങിയ പാകിസ്ഥാൻ ടീമിൽ വൻ മാറ്റങ്ങളുമായാണ് ഇന്ന് കൊളംബോയിൽ ഇറങ്ങുന്നത്. മോശം ഫോമിലാണെങ്കിലും ബാബർ അസം ടീമിൽ സ്ഥാനം നിലനിർത്തിയപ്പോൾ, പ്രമുഖ താരം ഷഹീൻ അഫ്രീദിയും സ്പിന്നർ അബ്രാർ അഹമ്മദും പ്ലേയിംഗ് ഇലവനിൽ നിന്ന് പുറത്തായി. പകരം സൽമാൻ മിർസയും യുവതാരം ഖവാജ നാഫേയും ടീമിലിടം നേടിയിട്ടുണ്ട്.
ഗ്രൂപ്പ് ഘട്ടത്തിലെ അവസാന മത്സരത്തിൽ വലിയ സ്കോർ പടുത്തുയർത്തി നമീബിയയെ സമ്മർദ്ദത്തിലാക്കാനാണ് ലക്ഷ്യമിടുന്നതെന്ന് പാക് നായകൻ സൽമാൻ അലി ആഗ വ്യക്തമാക്കി. ഈ മത്സരത്തിൽ വിജയിച്ചാലോ അല്ലെങ്കിൽ മഴ മൂലം മത്സരം ഉപേക്ഷിക്കപ്പെട്ടാലോ പാകിസ്ഥാന് സൂപ്പർ 8 ഘട്ടത്തിലേക്ക് യോഗ്യത നേടാം. മറുവശത്ത്, പാകിസ്ഥാനെതിരെ വിജയിച്ച് ടൂർണമെന്റിലെ ഏറ്റവും വലിയ അട്ടിമറി കുറിക്കാനുറച്ചാണ് ഗെർഹാർഡ് ഇറാസ്മസിന്റെ നേതൃത്വത്തിൽ നമീബിയ ഇറങ്ങുന്നത്.
The post ബാബറിന് അവസരം, ഷഹീൻ പുറത്ത്! നമീബിയക്കെതിരെ ബാറ്റിംഗ് തിരഞ്ഞെടുത്ത് പാകിസ്ഥാൻ appeared first on Express Kerala.
