2026 ടി20 ലോകകപ്പിൽ ദക്ഷിണാഫ്രിക്കയെ തകർത്തെറിഞ്ഞ് ന്യൂസിലാൻഡ് കലാശപ്പോരാട്ടത്തിന് യോഗ്യത നേടി. കൊൽക്കത്തയിലെ ഈഡൻ ഗാർഡൻസിൽ നടന്ന ആവേശകരമായ സെമി ഫൈനലിൽ ഒൻപത് വിക്കറ്റിന്റെ അനായാസ വിജയമാണ് കിവീസ് സ്വന്തമാക്കിയത്.
ദക്ഷിണാഫ്രിക്ക ഉയർത്തിയ 170 റൺസ് എന്ന വെല്ലുവിളി ഉയർത്തുന്ന വിജയലക്ഷ്യം, വെറും ഒരു വിക്കറ്റ് മാത്രം നഷ്ടപ്പെടുത്തി 43 പന്തുകൾ ബാക്കിനിൽക്കെ ന്യൂസിലാൻഡ് മറികടക്കുകയായിരുന്നു. ഓപ്പണർ ഫിൻ അല്ലന്റെ വെടിക്കെട്ട് സെഞ്ച്വറിയാണ് കിവീസ് വിജയത്തിൽ നിർണ്ണായകമായത്.
Also Read:അഭിഷേകിന്റെ ഫോമില്ലായ്മയിൽ ആശങ്ക വേണ്ട; സഞ്ജുവിന്റെ കരിയർ ചൂണ്ടിക്കാട്ടി മോണി മോർക്കൽ
ദക്ഷിണാഫ്രിക്കൻ ബൗളർമാരെ കണക്കറ്റ് പ്രഹരിച്ച അല്ലൻ, തുടക്കം മുതൽ ആക്രമിച്ചു കളിച്ചതോടെ മത്സരം പൂർണ്ണമായും ന്യൂസിലാൻഡിന്റെ നിയന്ത്രണത്തിലായി. ഇതോടെ ഒരിക്കൽ കൂടി ഐസിസി ടൂർണമെന്റുകളുടെ സെമി ഫൈനലിൽ ദക്ഷിണാഫ്രിക്കയ്ക്ക് കാലിടറുന്ന കാഴ്ചയാണ് ഈഡൻ ഗാർഡൻസിൽ കണ്ടത്. രണ്ടാം സെമി ഫൈനലിലെ വിജയികളെയാകും ഫൈനലിൽ ന്യൂസിലാൻഡ് നേരിടുക.
The post 43 പന്തുകൾ ബാക്കി, 9 വിക്കറ്റ് വിജയം; ന്യൂസിലാൻഡ് ഫൈനലിലേക്ക് പറന്നു appeared first on Express Kerala.
