അമേരിക്കയും ഇസ്രയേലും സംയുക്തമായി നടത്തുന്ന ആക്രമണങ്ങൾ ആറാം ദിവസവും തുടരുന്നതിനിടെ ഇറാൻ തലസ്ഥാനമായ ഇറാനിൽ ശക്തമായ വ്യോമാക്രമണം. വ്യാഴാഴ്ച അർദ്ധരാത്രിക്ക് ശേഷം നഗരത്തിന്റെ കിഴക്കൻ മേഖലയിലാണ് വലിയ സ്ഫോടനങ്ങൾ റിപ്പോർട്ട് ചെയ്തത്. ഇറാനു പുറമെ സാനന്ദാജ്, സാഖെസ് തുടങ്ങിയ കുർദിഷ് നഗരങ്ങളെയും ലക്ഷ്യമിട്ട് ആക്രമണങ്ങൾ നടന്നു. കഴിഞ്ഞ ശനിയാഴ്ച മുതൽ ഇറാനിലെ നൂറ്റമ്പതിലധികം നഗരങ്ങളിൽ ആക്രമണം ഉണ്ടായതായാണ് ഔദ്യോഗിക കണക്കുകൾ സൂചിപ്പിക്കുന്നത്.
ഇസ്രയേൽ ആക്രമണത്തിന് തിരിച്ചടിയായി മിഡിൽ ഈസ്റ്റിലെ അമേരിക്കൻ സൈനിക താവളങ്ങൾക്ക് നേരെ ഇറാൻ പുതിയ പ്രത്യാക്രമണങ്ങൾ ആരംഭിച്ചതായി ഇറാനിയൻ സ്റ്റേറ്റ് ടെലിവിഷൻ അറിയിച്ചു. അതേസമയം, ലെബനന്റെ തലസ്ഥാനമായ ബയ്റൂത്തിലും തെക്കൻ നഗരമായ ടൈറിലും ഇസ്രയേൽ ബോംബിങ് ശക്തമാക്കിയിരിക്കുകയാണ്. ഹിസ്ബുള്ളയുടെ സാന്നിധ്യമുണ്ടെന്ന് ആരോപിച്ചാണ് ജനവാസ മേഖലകളായ ഗോബെയ്രി, ഹാരെത് ഹ്രീക്ക് എന്നിവിടങ്ങളിൽ ഇസ്രായേൽ യുദ്ധവിമാനങ്ങൾ ആക്രമണം നടത്തുന്നത്.
Also Read: ഇറാന്റെ മിസൈൽ ആക്രമണം പ്രതിരോധിച്ച് സൗദി; ഗൾഫ് മേഖലയിൽ അതീവ ജാഗ്രത, കയറ്റുമതിയിൽ നിയന്ത്രണം
തിങ്കളാഴ്ച മുതൽ ലെബനനിലുടനീളം ഉണ്ടായ ആക്രമണങ്ങളിൽ ഇതുവരെ 50-ലധികം പേർ കൊല്ലപ്പെട്ടതായാണ് റിപ്പോർട്ടുകൾ. ടെഹ്റാനിലെ പുതിയ സ്ഫോടനങ്ങളിൽ ആളപായം സംബന്ധിച്ച കൃത്യമായ വിവരങ്ങൾ പുറത്തുവന്നിട്ടില്ലെങ്കിലും മേഖലയിൽ കനത്ത നാശനഷ്ടങ്ങൾ സംഭവിച്ചിട്ടുണ്ട്. യുദ്ധം കൂടുതൽ നഗരങ്ങളിലേക്ക് വ്യാപിക്കുന്നത് പശ്ചിമേഷ്യയെ വലിയൊരു മാനുഷിക പ്രതിസന്ധിയിലേക്കാണ് തള്ളിവിടുന്നത്.
The post ഇറാനിലും ലെബനനിലും ഇസ്രയേൽ വ്യോമാക്രമണം ശക്തം; അർധരാത്രി സ്ഫോടനം appeared first on Express Kerala.
