തിരുവനന്തപുരം നഗരസഭയിലെ വിവിധ വാർഡുകളിൽ മാർച്ച് 12, 13, 19 തീയതികളിൽ കുടിവെള്ള വിതരണം തടസ്സപ്പെടുമെന്ന് വാട്ടർ അതോറിറ്റി അറിയിച്ചു. പോങ്ങുംമൂട് സബ് ഡിവിഷൻ പരിധിയിലുള്ള തട്ടിനകം പാലത്തിന് സമീപം 900 എംഎം പൈപ്പ് ലൈനിലെ ചോർച്ച പരിഹരിക്കുന്നതിനുള്ള അടിയന്തര അറ്റകുറ്റപ്പണികൾ നടക്കുന്നതിനാലാണിത്. മാർച്ച് 12, 13 തീയതികളിൽ ജലവിതരണം പൂർണ്ണമായും തടസ്സപ്പെടും. മാർച്ച് 19 വ്യാഴാഴ്ച വരെ വിതരണം ഭാഗികമായിരിക്കുമെന്നും വാട്ടർ അതോറിറ്റി മുന്നറിയിപ്പ് നൽകി.
കഴക്കൂട്ടം, ശ്രീകാര്യം, ഉള്ളൂർ, പട്ടം, കേശവദാസപുരം, മുട്ടട ഉൾപ്പെടെയുള്ള 26 വാർഡുകളെയാണ് ഈ നിയന്ത്രണം ബാധിക്കുന്നത്. തടസ്സം നേരിടുന്ന വാർഡുകളിലെ താമസക്കാർ ആവശ്യമായ കുടിവെള്ളം മുൻകൂട്ടി ശേഖരിച്ചുവെച്ച് ജാഗ്രത പാലിക്കണമെന്ന് അധികൃതർ നിർദ്ദേശിച്ചു. അറ്റകുറ്റപ്പണികൾ വേഗത്തിൽ പൂർത്തിയാക്കി ജലവിതരണം പുനഃസ്ഥാപിക്കാനുള്ള നടപടികൾ സ്വീകരിച്ചുവരികയാണ്.
The post തിരുവനന്തപുരത്ത് 3 ദിവസം ജലവിതരണം മുടങ്ങും! 26 വാർഡുകളിൽ ജാഗ്രതാനിർദ്ദേശം appeared first on Express Kerala.
