മലയാള സിനിമാപ്രേമികൾ ഏറെ ആകാംക്ഷയോടെ കാത്തിരിക്കുന്ന ‘ആട് 3 പാർട്ട് 1: വൺ ലാസ്റ്റ് റൈഡ്’ ബോക്സ് ഓഫീസിൽ ചരിത്രപരമായ ഓപ്പണിങ്ങിലേക്ക്. മിഥുൻ മാനുവൽ തോമസ് സംവിധാനം ചെയ്യുന്ന ഈ ബിഗ് ബജറ്റ് എപിക് ഫാന്റസി ചിത്രത്തിന്റെ അഡ്വാൻസ് ബുക്കിങ് ആരംഭിച്ചതോടെ കേരളത്തിലും വിദേശത്തും വൻ തിരക്കാണ് അനുഭവപ്പെടുന്നത്.
ഇതിനോടകം തന്നെ കോടികളുടെ പ്രീ-സെയിൽസ് ബിസിനസ് നടന്ന ചിത്രം ബുക്ക് മൈ ഷോയിൽ ട്രെൻഡിങ്ങായി തുടരുകയാണ്. ജയസൂര്യയുടെ കരിയറിലെ ഏറ്റവും വലിയ റിലീസായി മാറുന്ന ചിത്രം 2026 മാർച്ച് 19-ന് ഈദ് റിലീസായാണ് ആഗോളതലത്തിൽ പ്രദർശനത്തിനെത്തുന്നത്.
ഫ്രൈഡേ ഫിലിം ഹൗസും കാവ്യാ ഫിലിം കമ്പനിയും സംയുക്തമായി നിർമ്മിക്കുന്ന ഈ ചിത്രം ക്ലീൻ ‘U’ സർട്ടിഫിക്കറ്റോടെയാണ് പ്രേക്ഷകരിലേക്ക് എത്തുന്നത്. രണ്ട് മണിക്കൂർ 47 മിനിറ്റ് ദൈർഘ്യമുള്ള സിനിമയിൽ ഇത്തവണ കോമഡിക്കൊപ്പം വമ്പൻ ഫാന്റസി ഘടകങ്ങളും ഉൾപ്പെടുത്തിയിട്ടുണ്ട്. ചിത്രത്തിലെ വേദികയുടെ ‘സുൽത്താൻ’ എന്ന ഗാനം ഇതിനോടകം സോഷ്യൽ മീഡിയയിൽ വൈറലായിക്കഴിഞ്ഞു. വിനായകൻ, ഇന്ദ്രൻസ്, സൈജു കുറുപ്പ് തുടങ്ങി വൻ താരനിര അണിനിരക്കുന്ന ചിത്രം വ്യത്യസ്ത കാലഘട്ടങ്ങളിലൂടെ കടന്നുപോകുന്ന ഒരു കഥയാണ് പറയുന്നതെന്ന് ട്രെയിലർ സൂചിപ്പിക്കുന്നു. ‘ആട്’ ഫ്രാഞ്ചൈസിയിലെ അവസാന ഭാഗത്തിന്റെ ആദ്യ പകുതിയായ ഈ ചിത്രം മലയാള സിനിമയിലെ തന്നെ ഏറ്റവും വലിയ പ്രൊജക്റ്റുകളിൽ ഒന്നായാണ് വിലയിരുത്തപ്പെടുന്നത്.
The post ഷാജി പാപ്പനും സംഘവും വീണ്ടും; ബോക്സ് ഓഫീസിൽ തരംഗമായി ‘ആട് 3’ അഡ്വാൻസ് ബുക്കിങ് appeared first on Express Kerala.
