എക്‌സ് പണിമുടക്കി; ആയിരക്കണക്കിന് ഉപയോക്താക്കൾക്ക് സേവനം തടസ്സപ്പെട്ടു, റിപ്പോർട്ട്

ലോകമെമ്പാടുമുള്ള ആയിരക്കണക്കിന് ഉപയോക്താക്കളെ ബുദ്ധിമുട്ടിച്ചുകൊണ്ട് എലോൺ മസ്‌കിന്റെ സോഷ്യൽ മീഡിയ പ്ലാറ്റ്‌ഫോമായ എക്‌സ് (X) വ്യാഴാഴ്ച ഉച്ചയോടെ പ്രവർത്തനരഹിതമായി. ഇന്ത്യയുൾപ്പെടെയുള്ള വിവിധ രാജ്യങ്ങളിൽ നിന്നുള്ള ഉപയോക്താക്കൾക്ക് പ്ലാറ്റ്‌ഫോം ആക്‌സസ് ചെയ്യുന്നതിനും ഫീഡുകൾ റിഫ്രഷ് ചെയ്യുന്നതിനും തടസ്സമുണ്ടായി. ‘ഡൗൺഡിറ്റക്ടർ’ നൽകുന്ന വിവരങ്ങൾ പ്രകാരം, മാർച്ച് 26 വ്യാഴാഴ്ച ഉച്ചയ്ക്ക് 12:20 ഓടെയാണ് പരാതികളിൽ വൻ വർദ്ധനവ് രേഖപ്പെടുത്തിയത്. ഉച്ചയ്ക്ക് 12:45 ഓടെ പരാതികളുടെ എണ്ണം മുപ്പതിനായിരം കടന്നതായാണ് റിപ്പോർട്ടുകൾ സൂചിപ്പിക്കുന്നത്.

മൊബൈൽ ആപ്പ് ഉപയോഗിക്കുന്നവരിലും വെബ്സൈറ്റ് വഴി ലോഗിൻ ചെയ്യാൻ ശ്രമിച്ചവരിലുമാണ് പ്രധാനമായും പ്രശ്നങ്ങൾ കണ്ടത്. പലർക്കും ടൈംലൈൻ ലോഡ് ആകാതെ വരികയും “Something went wrong” എന്ന എറർ മെസ്സേജ് കാണിക്കുകയും ചെയ്തു. എന്നാൽ ഏകദേശം ഒരു മണിക്കൂറിനുള്ളിൽ തന്നെ ഭൂരിഭാഗം ഇടങ്ങളിലും സേവനങ്ങൾ പുനഃസ്ഥാപിക്കപ്പെട്ടു. സാങ്കേതിക തകരാറിന്റെ കൃത്യമായ കാരണം എക്‌സ് ഔദ്യോഗികമായി വ്യക്തമാക്കിയിട്ടില്ലെങ്കിലും, സർവറിലെ അപ്രതീക്ഷിത പ്രശ്നങ്ങളാകാം ഇതിന് പിന്നിലെന്നാണ് കരുതപ്പെടുന്നത്.

The post എക്‌സ് പണിമുടക്കി; ആയിരക്കണക്കിന് ഉപയോക്താക്കൾക്ക് സേവനം തടസ്സപ്പെട്ടു, റിപ്പോർട്ട് appeared first on Express Kerala.