ഒമ്പതുങ്ങല് സുബ്രഹ്മണ്യ സമാജം കൈലാസ ശിവക്ഷേത്രത്തില് കാവടി മഹോത്സവം കൊടിയേറി. ഏപ്രില് 5നാണ് കാവടിയുത്സവം.ക്ഷേത്രം മേല്ശാന്തി കുട്ടൻ ഏരിയക്കാടനും ക്ഷേത്രം ഭാരവാഹികളും കൊടിയേറ്റി. ഞായറാഴ്ച രാവിലെ 6.30 മുതല് വിവിധ സെറ്റുകളുടെ അഭിഷേകം, രാവിലെ 8 മുതല് ഉച്ചയ്ക്ക് 2 വരെ വിവിധ സെറ്റുകളുടെ കാവടി വരവ്, വൈകിട്ട് 6.30 ന് ദിപാരാധന, രാത്രി 8 മുതല് പുലർച്ചെ 1.30 വരെ കാവടിയാട്ടം എന്നിവ ഉണ്ടാകും. 8 ദേശക്കാവടി സെറ്റുകള് അണിനിരക്കും. യുവചൈതന്യ സെറ്റ്, അമ്പലനട സെറ്റ്, തെക്കുമുറി യുവജന സംഘം, ശ്രീമുരുക സെറ്റ്, വേല്മുരുക സെറ്റ്, കുഞ്ഞാലിപ്പാറ സെറ്റ്, ടൗണ് സെറ്റ്, ശാന്തിനഗർ സെറ്റ് എന്നി ദേശക്കാവടി സെറ്റുകളാണ് ഉത്സവത്തിലെ പങ്കാളികള്.




