പിതാവ് യോഗ്രാജ് സിംഗ് നടത്തിയ വിവാദപരമായ അധിക്ഷേപങ്ങളിൽ ഇന്ത്യൻ ക്രിക്കറ്റ് ഇതിഹാസങ്ങളായ എം.എസ്. ധോണിയോടും കപിൽ ദേവിനോടും പരസ്യമായി ക്ഷമ ചോദിച്ച് മുൻ താരം യുവരാജ് സിംഗ് രംഗത്തെത്തി. ഒരു സ്പോർട്സ് പോഡ്കാസ്റ്റിലായിരുന്നു താരത്തിന്റെ ഈ തുറന്നുപറച്ചിൽ. തന്റെ അച്ഛൻ നടത്തുന്ന ഇത്തരം ആരോപണങ്ങൾ ശരിയല്ലെന്ന് താൻ അദ്ദേഹത്തോട് നേരിട്ട് പറഞ്ഞിട്ടുണ്ടെന്നും, അച്ഛന്റെ പെരുമാറ്റത്തിൽ തനിക്ക് വലിയ വിഷമമുണ്ടെന്നും യുവരാജ് വെളിപ്പെടുത്തി.
വർഷങ്ങളായി ധോണിക്കും കപിൽ ദേവിനുമെതിരെ രൂക്ഷമായ വിമർശനങ്ങളാണ് യോഗ്രാജ് സിംഗ് നടത്തിവരുന്നത്. യുവരാജിന്റെ കരിയർ നശിപ്പിച്ചത് ധോണിയാണെന്നും മുൻപ് തന്നെ ടീമിൽ നിന്ന് പുറത്താക്കിയത് കപിൽ ദേവാണെന്നുമായിരുന്നു അദ്ദേഹത്തിന്റെ പ്രധാന ആരോപണങ്ങൾ.
Also Read: വരുൺ ശക്തമായി തിരിച്ചുവരും; പിന്തുണയുമായി കൊൽക്കത്ത കോച്ച് അഭിഷേക് നായർ!
എന്നാൽ ഇത്തരം വിവാദങ്ങൾക്കിടയിലും ധോണിയുമായി താൻ പുലർത്തുന്ന നല്ല ബന്ധത്തെക്കുറിച്ച് യുവരാജ് സംസാരിച്ചു. തന്റെ വിരമിക്കൽ സമയത്ത് ധോണി നൽകിയ വ്യക്തമായ ഉപദേശങ്ങൾ കരിയറിൽ വലിയ സഹായമായെന്നും അദ്ദേഹം ഓർത്തെടുത്തു. പുറത്തിറങ്ങാനിരിക്കുന്ന ഈ പോഡ്കാസ്റ്റിൽ സഞ്ജു സാംസൺ അടക്കമുള്ള യുവതാരങ്ങളെക്കുറിച്ചും യുവരാജ് തന്റെ അഭിപ്രായങ്ങൾ പങ്കുവെക്കുന്നുണ്ട്.
The post അച്ഛാ ഇത് ശരിയല്ല; ധോണിയോടും കപിൽ ദേവിനോടും പരസ്യമായി മാപ്പ് പറഞ്ഞ് യുവരാജ് സിംഗ് appeared first on Express Kerala.
