ഒരു സിനിമയുടെ ബോക്സ് ഓഫീസ് വിധി നിശ്ചയിക്കുന്നതിൽ റിലീസ് ദിനത്തിലെ ആദ്യ ഷോകൾക്ക് ശേഷമുള്ള പ്രേക്ഷകാഭിപ്രായത്തിന് വലിയ പങ്കുണ്ട്. അത്തരത്തിൽ പോസിറ്റീവ് മൗത്ത് പബ്ലിസിറ്റിയുടെ കരുത്തിൽ ബോക്സ് ഓഫീസിൽ വൻ മുന്നേറ്റം നടത്തുകയാണ് ഇന്ന് തിയറ്ററുകളിലെത്തിയ ‘വാഴ 2’. ആദ്യ ഷോകൾക്ക് പിന്നാലെ മികച്ച അഭിപ്രായങ്ങൾ പുറത്തുവന്നതോടെ ചിത്രത്തിന്റെ ടിക്കറ്റ് ബുക്കിംഗിൽ വലിയ വർധനവാണ് രേഖപ്പെടുത്തിയിരിക്കുന്നത്.
വാഴയുടെ രണ്ടാം ഭാഗമെന്ന നിലയിൽ യുവാക്കൾക്കിടയിൽ നേരത്തെ തന്നെ വലിയ ഹൈപ്പ് ലഭിച്ചിരുന്ന ചിത്രത്തിന് മികച്ച അഡ്വാൻസ് ബുക്കിംഗും ലഭിച്ചിരുന്നു. റിലീസിന് മുൻപ് തന്നെ കേരളത്തിൽ നിന്ന് മാത്രം ഒന്നര കോടി രൂപയ്ക്ക് മുകളിൽ ചിത്രം സ്വന്തമാക്കിയിരുന്നു. റിലീസ് തലേന്ന് ബുക്ക് മൈ ഷോയിൽ മണിക്കൂറിൽ 5,700 ടിക്കറ്റുകൾ വിറ്റഴിച്ചിരുന്ന സ്ഥാനത്ത്, പോസിറ്റീവ് റിപ്പോർട്ടുകൾ വന്നതോടെ ബുക്കിംഗ് നിരക്ക് കുത്തനെ ഉയർന്നു. ഇന്ന് രാത്രിയോടെ ഒരു ഘട്ടത്തിൽ മണിക്കൂറിൽ 17,000 ടിക്കറ്റുകൾ വരെ വിറ്റഴിക്കപ്പെടുന്ന സാഹചര്യം ഉണ്ടായി. നിലവിൽ മണിക്കൂറിൽ 15,000-ത്തിന് മുകളിലാണ് ചിത്രത്തിന്റെ ബുക്കിംഗ് വേഗത.
Also Read:അവൾക്കൊപ്പം! രഞ്ജിത്തിനെതിരായ പരാതിയിൽ അതിജീവിതയ്ക്ക് ഐക്യദാർഢ്യവുമായി ഡബ്ല്യുസിസി
സമീപകാലത്ത് മോഹൻലാൽ നായകനായ ‘തുടരും’ എന്ന സിനിമയാണ് റിലീസിന് ശേഷം ബുക്കിംഗിൽ ഇത്തരമൊരു വലിയ കുതിപ്പ് നടത്തിയത്. ‘തുടരും’ മണിക്കൂറിൽ 40,000 ടിക്കറ്റുകൾ വരെ വിറ്റഴിച്ചിരുന്നെങ്കിലും, ഒരു യുവതാര ചിത്രത്തിന് ലഭിക്കുന്ന ഈ സ്വീകരണം സിനിമാ ലോകത്തെ അമ്പരപ്പിക്കുന്നുണ്ട്. പുതുമുഖ സംവിധായകനും യുവതാരനിരയും അണിനിരന്ന ചിത്രം സൂപ്പർതാര ചിത്രങ്ങൾക്ക് സമാനമായ രീതിയിൽ പ്രേക്ഷകരെ തിയറ്ററിലേക്ക് ആകർഷിക്കുന്നത് സിനിമാ വ്യവസായത്തിന് വലിയ ഉണർവ് നൽകുന്നു. ചിത്രത്തിന്റെ ആദ്യദിന ഓപ്പണിംഗ് കളക്ഷൻ എത്രയാകുമെന്ന ആകാംക്ഷയിലാണ് ഇപ്പോൾ ആരാധകരും സിനിമാ നിരീക്ഷകരും.
The post തിയറ്ററുകളിൽ ‘വാഴ 2’ തരംഗം; പോസിറ്റീവ് റിവ്യൂവുകൾക്ക് പിന്നാലെ ബുക്കിംഗിൽ വൻ കുതിപ്പ് appeared first on Express Kerala.
