ഇന്ത്യൻ പ്രീമിയർ ലീഗിൽ പന്തുകൊണ്ട് വിസ്മയം തീർക്കുന്ന ഇന്ത്യൻ പേസർ മുഹമ്മദ് ഷമി പുതിയൊരു ചരിത്ര നേട്ടം കൂടി സ്വന്തമാക്കിയിരിക്കുകയാണ്. ഡൽഹി ക്യാപിറ്റൽസിനെതിരായ മത്സരത്തിൽ ലഖ്നൗ സൂപ്പർ ജയന്റ്സിന് വേണ്ടി പന്തെറിഞ്ഞ ഷമി, തന്റെ സ്പെല്ലിലെ ആദ്യ പന്തിൽ തന്നെ വിക്കറ്റ് വീഴ്ത്തിയാണ് ഈ റെക്കോർഡ് കുറിച്ചത്. ഡൽഹി നായകൻ കെ.എൽ. രാഹുലിനെയാണ് മത്സരത്തിന്റെ തുടക്കത്തിൽ തന്നെ ഷമി പുറത്താക്കിയത്. ഷമിയുടെ പന്തിൽ അനാവശ്യമായ ഒരു ഏരിയൽ ഷോട്ടിന് ശ്രമിച്ച രാഹുൽ വിക്കറ്റ് സമ്മാനിച്ച് മടങ്ങുകയായിരുന്നു.
ഐപിഎൽ ചരിത്രത്തിൽ ഇത് അഞ്ചാം തവണയാണ് ആദ്യ ഓവറിലെ ആദ്യ പന്തിൽ തന്നെ ഷമി വിക്കറ്റ് സ്വന്തമാക്കുന്നത്. ലോകത്തിലെ മറ്റൊരു ബൗളർക്കും അവകാശപ്പെടാനില്ലാത്ത റെക്കോർഡാണിത്. ഐപിഎല്ലിൽ ഇതുവരെ ഏഴ് ബൗളർമാരാണ് തങ്ങളുടെ സ്പെല്ലിലെ ആദ്യ പന്തിൽ തന്നെ വിക്കറ്റ് നേടിയിട്ടുള്ളത്. എന്നാൽ ഷമി അഞ്ച് തവണ ഈ നേട്ടം ആവർത്തിച്ച് പട്ടികയിൽ ഒന്നാമതെത്തിയപ്പോൾ, പ്രവീൺ കുമാർ, ഉമേഷ് യാദവ്, ട്രെന്റ് ബോൾട്ട്, ലസിത് മലിംഗ, ഭുവനേശ്വർ കുമാർ, അശോക് ഡിൻഡ, പാറ്റ് കമ്മിൻസ് എന്നിവർ മൂന്ന് തവണ വീതമാണ് ഈ നേട്ടം കൈവരിച്ചിട്ടുള്ളത്.
Also Read:ഈഡൻ ഗാർഡൻസിൽ ഹൈദരാബാദിന് തകർപ്പൻ ജയം; കൊൽക്കത്ത നൈറ്റ് റൈഡേഴ്സിന് തുടർച്ചയായ രണ്ടാം തോൽവി
സൂപ്പർ താരങ്ങളായ മലിംഗയെയും ട്രെന്റ് ബോൾട്ടിനെയും പിന്നിലാക്കിക്കൊണ്ടുള്ള ഷമിയുടെ ഈ പ്രകടനം ക്രിക്കറ്റ് ലോകത്ത് വലിയ ചർച്ചയായിരിക്കുകയാണ്. ലഖ്നൗ സൂപ്പർ ജയന്റ്സിന്റെ ബോളിംഗ് നിരയിൽ നിർണ്ണായക സാന്നിധ്യമായ ഷമിയുടെ ഈ റെക്കോർഡ് നേട്ടം ടീമിനും വലിയ ആത്മവിശ്വാസം നൽകുന്നു. ഡൽഹിക്കെതിരായ മത്സരത്തിൽ ടീമിന് മികച്ച തുടക്കം നൽകാൻ ഷമിയുടെ ഈ വിക്കറ്റ് വേട്ട സഹായിച്ചു.
The post ഷമി ഹീറോയാടാ ഹീറോ! ആദ്യ പന്തിൽ വിക്കറ്റ് വീഴ്ത്തുന്നതിൽ റെക്കോർഡ് നേട്ടം appeared first on Express Kerala.
