തമിഴ് ടെലിവിഷൻ പ്രേക്ഷകർക്ക് സുപരിചിതയായ നടി സുഭാഷിണിയെ (ശാശ്വി ബാല) ചെന്നൈയിലെ അപ്പാർട്ട്മെന്റിൽ മരിച്ച നിലയിൽ കണ്ടെത്തി. ജനപ്രിയ പരമ്പരയായ ‘കയലി’ലെ നെഗറ്റീവ് കഥാപാത്രത്തിലൂടെ ശ്രദ്ധേയയായ താരത്തെ ചെന്നൈ അയ്യപ്പൻതങ്കലിലെ താമസസ്ഥലത്താണ് മരിച്ച നിലയിൽ കണ്ടത്. ശ്രീലങ്കൻ വംശജയായ സുഭാഷിണി സിനിമകളിലും സജീവമായിരുന്നു.
മരണത്തിന് തൊട്ടുമുമ്പ് സുഭാഷിണി ഭർത്താവ് ബിബിൻ ചന്ദ്രയുമായി വീഡിയോ കോളിലൂടെ സംസാരിക്കുകയും ഇരുവരും തമ്മിൽ തർക്കമുണ്ടാവുകയും ചെയ്തതായി സൂചനയുണ്ട്. സംഭവത്തിന് പിന്നാലെ പോലീസ് സ്ഥലത്തെത്തി മൃതദേഹം പോസ്റ്റ്മോർട്ടത്തിനായി മാറ്റി. മരണത്തിലെ ദുരൂഹതകൾ നീക്കാൻ പോലീസ് വിശദമായ അന്വേഷണം ആരംഭിച്ചിട്ടുണ്ട്.
Also Read:ഒടുവിൽ ഉണ്ണികൃഷ്ണനെ അടിച്ചു വീഴ്ത്തി; രഞ്ജിത്തിന്റെ ക്രൂരത വെളിപ്പെടുത്തി ആലപ്പി അഷ്റഫ്!
സോഷ്യൽ മീഡിയയിൽ സജീവമായിരുന്ന സുഭാഷിണി തന്റെ വിശേഷങ്ങളെല്ലാം ആരാധകരുമായി പങ്കുവെക്കാറുണ്ടായിരുന്നു. ‘എല്ലാം മേലെ ഇരിക്കിറവൻ പാത്തുപ്പാൻ’, ‘വെബ്’ എന്നീ സിനിമകളിലും താരം അഭിനയിച്ചിട്ടുണ്ട്. നടിയുടെ അപ്രതീക്ഷിത വേർപാടിൽ തമിഴ് ചലച്ചിത്ര-സീരിയൽ ലോകം ഞെട്ടലിലാണ്. സഹപ്രവർത്തകരും ആരാധകരും സോഷ്യൽ മീഡിയയിലൂടെ ആദരാഞ്ജലികൾ അർപ്പിച്ചു.
The post തമിഴ് നടി സുഭാഷിണി മരിച്ച നിലയിൽ; അന്വേഷണം ആരംഭിച്ച് പോലീസ് appeared first on Express Kerala.
