മോദി സർക്കാർ മുതലാളിമാർക്ക് വേണ്ടി; പാവപ്പെട്ടവരുടെ വയറ്റത്തടിച്ചു! കേന്ദ്രത്തിനെതിരെ ആഞ്ഞടിച്ച് ഖാർഗെ

ഡൽഹി: കേന്ദ്ര സർക്കാരിന്റെ ജനദ്രോഹ നയങ്ങൾക്കെതിരെ രാജ്യവ്യാപകമായി ശക്തമായ പ്രതിഷേധം ഉയരണമെന്ന് കോൺഗ്രസ് അധ്യക്ഷൻ മല്ലികാർജുൻ ഖാർഗെ. ഡൽഹിയിൽ ചേർന്ന കോൺഗ്രസ് പ്രവർത്തക സമിതി യോഗത്തിലാണ് അദ്ദേഹം നരേന്ദ്ര മോദി സർക്കാരിനെതിരെ രൂക്ഷമായ ആക്രമണം അഴിച്ചുവിട്ടത്. രാജ്യത്തെ ജനാധിപത്യവും ഭരണഘടനയും വലിയ പ്രതിസന്ധിയാണ് നേരിടുന്നതെന്ന് അദ്ദേഹം മുന്നറിയിപ്പ് നൽകി.

പ്രധാന വിമർശനങ്ങൾ

തൊഴിലുറപ്പ് പദ്ധതി നിർത്തലാക്കിയ കേന്ദ്ര നടപടി പാവപ്പെട്ട സാധാരണക്കാരോടുള്ള വെല്ലുവിളിയാണെന്ന് ഖാർഗെ പറഞ്ഞു. ബിജി റാം ജി ബില്ലിലൂടെ രാഷ്ട്രപിതാവിനെ അപമാനിക്കാനാണ് കേന്ദ്രം ശ്രമിക്കുന്നത്. മോദി സർക്കാരിന്റെ ഓരോ തീരുമാനങ്ങളും സാധാരണക്കാർക്കല്ല, മറിച്ച് വൻകിട മുതലാളിമാർക്ക് വേണ്ടിയുള്ളതാണെന്നും അദ്ദേഹം വ്യക്തമാക്കി.

Also Read: ഡൽഹിയിൽ കുടിവെള്ളവും ‘വിഷം’; ഭൂഗർഭജലത്തിൽ നൈട്രേറ്റ് അളവ് 22 മടങ്ങ് അധികം! കുഞ്ഞുങ്ങൾക്ക് ആരോഗ്യഭീഷണി

കേരളത്തിന് അഭിനന്ദനം

കേരളത്തിലെ തദ്ദേശ തിരഞ്ഞെടുപ്പിൽ യുഡിഎഫ് നേടിയ മികച്ച വിജയത്തെ ഖാർഗെ പ്രശംസിച്ചു. വിജയശില്പികളായ കേരളത്തിലെ നേതാക്കളെയും പ്രവർത്തകരെയും അഭിനന്ദിച്ച അദ്ദേഹം, വരാനിരിക്കുന്ന നിയമസഭാ തിരഞ്ഞെടുപ്പിനായി സജ്ജരാകാൻ നിർദ്ദേശവും നൽകി.
The post മോദി സർക്കാർ മുതലാളിമാർക്ക് വേണ്ടി; പാവപ്പെട്ടവരുടെ വയറ്റത്തടിച്ചു! കേന്ദ്രത്തിനെതിരെ ആഞ്ഞടിച്ച് ഖാർഗെ appeared first on Express Kerala.