ഡൽഹി: ഓലയ്ക്കും യൂബർ വെല്ലുവിളിയുമായി രാജ്യത്തെ ആദ്യത്തെ സർക്കാർ സബ്സിഡിയുള്ള, കമ്മീഷൻ രഹിത ടാക്സി സർവീസ് ‘ഭാരത് ടാക്സി’ പ്രവർത്തനമാരംഭിച്ചു. 2026 ജനുവരി 1-ന് രാജ്യതലസ്ഥാനമായ ഡൽഹിയിലാണ് ഈ തദ്ദേശീയ പ്ലാറ്റ്ഫോം ഔദ്യോഗികമായി ലോഞ്ച് ചെയ്തത്. സ്വകാര്യ കമ്പനികളുടെ ചൂഷണത്തിൽ നിന്ന് യാത്രക്കാരെയും ഡ്രൈവർമാരെയും ഒരുപോലെ സംരക്ഷിക്കുക എന്നതാണ് ഇതിന്റെ ലക്ഷ്യം.
യാത്രക്കാർക്ക് ലാഭം; നിരക്കുകൾ ഇങ്ങനെ
മഴ പെയ്യുമ്പോഴോ തിരക്കുള്ള സമയത്തോ ഉള്ള ‘സർജ് പ്രൈസിംഗ്’ ഭാരത് ടാക്സിയിലുണ്ടാകില്ല എന്നതാണ് ഏറ്റവും വലിയ പ്രത്യേകത.
ആദ്യ 4 കിലോമീറ്റർ: വെറും 30 രൂപ.
4 മുതൽ 12 കിലോമീറ്റർ വരെ: കിലോമീറ്ററിന് 23 രൂപ.
ദീർഘദൂര യാത്രകൾ: കിലോമീറ്ററിന് 18 രൂപ. ഈ സുതാര്യമായ നിരക്ക് മറ്റ് ആപ്പുകളെ അപേക്ഷിച്ച് യാത്രക്കാർക്ക് വലിയ സാമ്പത്തിക ലാഭം നൽകും.
Also Read: ഇന്ത്യൻ നിരത്തുകളിൽ മാരുതി കൊടുങ്കാറ്റ്! ഡിസംബറിൽ വിറ്റത് 2 ലക്ഷത്തോളം കാറുകൾ; തകർത്തത് സർവ്വകാല റെക്കോർഡുകൾ
സുരക്ഷയും സൗകര്യങ്ങളും
ഡൽഹി പോലീസിന്റെ സുരക്ഷാ മാനദണ്ഡങ്ങൾ പാലിക്കുന്ന ആപ്പ് ഡിജിലോക്കർ, ഉമാങ് തുടങ്ങിയ സർക്കാർ പ്ലാറ്റ്ഫോമുകളുമായി സംയോജിപ്പിച്ചിരിക്കുന്നു.
വിവിധ ഓപ്ഷനുകൾ: നോൺ-എസി, എസി, പ്രീമിയം, എക്സ്എൽ ക്യാബുകൾക്ക് പുറമെ ബൈക്ക് ടാക്സി, ഓട്ടോ എന്നിവയും ലഭ്യമാണ്.
വേഗത്തിലുള്ള സേവനം: പിക്കപ്പ് സമയം മിനിറ്റുകൾക്കുള്ളിലാക്കി കുറച്ചിട്ടുണ്ടെന്ന് കമ്പനി അവകാശപ്പെടുന്നു.
ഡ്രൈവർമാരുടെ സ്വന്തം പ്ലാറ്റ്ഫോം
‘സഹകർ ടാക്സി കോപ്പറേറ്റീവ് ലിമിറ്റഡ്’ വികസിപ്പിച്ച ഈ ആപ്പ് ലോകത്തിലെ ഏറ്റവും വലിയ ഡ്രൈവർ ഉടമസ്ഥതയിലുള്ള പ്ലാറ്റ്ഫോമാണ്. ഡ്രൈവർമാരിൽ നിന്ന് വൻതോതിൽ കമ്മീഷൻ ഈടാക്കാത്തതിനാൽ അവർക്ക് നേരിട്ട് ലാഭം ലഭിക്കുന്നു. ‘സാരഥി’ എന്നാണ് ഈ ഡ്രൈവർമാരെ വിളിക്കുന്നത്.
The post ഓലയും യൂബെറും പൂട്ടുമോ? ഭാരത് ടാക്സി എത്തി! ആദ്യ 4 കിലോമീറ്ററിന് വെറും 30 രൂപ appeared first on Express Kerala.
