കൊച്ചി: റെക്കോർഡ് വിലയിൽ നിന്ന് കുത്തനെ ഇടിഞ്ഞ സ്വർണവില വീണ്ടും ഉയരുന്നു. കഴിഞ്ഞ മൂന്ന് ദിവസമായി തുടർച്ചയായി കുറഞ്ഞ സ്വർണവില പുതുവർഷത്തിൽ തിരിച്ചുകയറുന്നതാണ് വിപണിയിലെ കാഴ്ച. ഇന്ന് (ജനുവരി 02) പവന് 840 രൂപ വർദ്ധിച്ച് 99,880 രൂപയിലെത്തി. ഗ്രാമിന് 105 രൂപ ഉയർന്ന് 12,485 രൂപയായി.
വിലക്കയറ്റത്തിന്റെ കാരണങ്ങൾ
ആഗോള വിപണിയിലുണ്ടായ വലിയ മുന്നേറ്റമാണ് ആഭ്യന്തര വിപണിയിലും പ്രതിഫലിച്ചത്. അന്താരാഷ്ട്ര വിപണിയിൽ ട്രോയ് ഔൺസിന് 44.38 ഡോളർ വർദ്ധിച്ച് 4,372.98 ഡോളറിലെത്തി. ഒരു ശതമാനത്തിലധികം വർദ്ധനവാണ് ഇന്ന് രേഖപ്പെടുത്തിയത്.
Also Read: സ്റ്റീൽ വിലയിൽ വൻ ഇടിവ്, വോഡഫോൺ ഐഡിയയ്ക്ക് കോടികളുടെ പിഴ! ഇത് അറിഞ്ഞിരിക്കണം
റെക്കോർഡ് വീഴ്ചയും തിരിച്ചുകയറ്റവും
കഴിഞ്ഞ ശനിയാഴ്ച സ്വർണവില പവന് 1,04,440 രൂപ എന്ന ചരിത്രത്തിലെ ഏറ്റവും ഉയർന്ന നിരക്കിലെത്തിയിരുന്നു. എന്നാൽ പിന്നീട് മൂന്ന് ദിവസത്തിനിടെ 5,520 രൂപയുടെ വൻ ഇടിവാണ് സംഭവിച്ചത്. ഡിസംബർ 31-ന് മാത്രം മൂന്ന് തവണയാണ് വില കുറഞ്ഞത്. എന്നാൽ പുതുവർഷ ദിനത്തിൽ നേരിയ വർദ്ധനവോടെ തുടങ്ങിയ സ്വർണം, രണ്ടാം ദിനമായ ഇന്ന് വലിയ കുതിപ്പാണ് നടത്തിയിരിക്കുന്നത്. വിവാഹ സീസൺ ആരംഭിക്കാനിരിക്കെ സ്വർണവില വീണ്ടും ലക്ഷം കടക്കുമോ എന്ന ആശങ്കയിലാണ് ഉപഭോക്താക്കൾ.
The post സ്വർണം വീണ്ടും ലക്ഷത്തിലേക്ക്! പവന് ഇന്ന് ഒറ്റയടിക്ക് 840 രൂപ കൂടി; റെക്കോർഡ് തകർച്ചയ്ക്ക് ശേഷം തിരിച്ചുവരവ് appeared first on Express Kerala.
