പ്രശ്നമാണ്, കൊളംബിയയിലുണ്ടായ അതിശക്തമായ ഭൂചലനത്തിൽ 20 മരണം!

ലാറ്റിൻ അമേരിക്കൻ രാജ്യങ്ങളെ നടുക്കിക്കൊണ്ട് കൊളംബിയയുടെ പടിഞ്ഞാറൻ മേഖലയിലും അയൽരാജ്യമായ ഇക്വഡോറിലും റിക്ടർ സ്കെയിലിൽ 7.4 തീവ്രത രേഖപ്പെടുത്തിയ അതിശക്തമായ ഭൂചലനമാണ് രേഖപ്പെടുത്തിയത്. തിങ്കളാഴ്ച ഉണ്ടായ ഈ പ്രകൃതിക്ഷോഭത്തിൽ ഇതുവരെ 20 പേർ മരണപ്പെട്ടതായും നിരവധി പേർക്ക് പരിക്കേറ്റതായും ഔദ്യോഗിക റിപ്പോർട്ടുകൾ പുറത്തുവരുന്നു. ഭൂചലനത്തിന്റെ ആഘാതത്തിൽ നിരവധി കെട്ടിടങ്ങൾ നിലംപൊത്തുകയും, പരിഭ്രാന്തരായ ജനങ്ങൾ വീടുകളിൽ നിന്നും കെട്ടിടങ്ങളിൽ നിന്നും ജീവനുംകൊണ്ട് തെരുവുകളിലേക്ക് ഓടിയിറങ്ങുകയും ചെയ്തു എന്നാണ് റിപ്പോർട്ടുകൾ.

കൊളംബിയൻ തലസ്ഥാനമായ ബൊഗോട്ടയിൽ നിന്ന് ഏകദേശം 400 കിലോമീറ്റർ പടിഞ്ഞാറ് മാറി ചോക്കോ മേഖലയിലെ സാൻ ജോസ് ഡെൽ പാൽമറാണ് ഈ ഭൂചലനത്തിന്റെ പ്രഭവകേന്ദ്രമായി യു.എസ്. ജിയോളജിക്കൽ സർവേയും കൊളംബിയൻ അധികൃതരും സ്ഥിരീകരിച്ചിരിക്കുന്നത്. ഭൂമിയിൽ നിന്ന് ഏകദേശം 107 കിലോമീറ്റർ ആഴത്തിലാണ് ഈ പ്രകമ്പനം ഉണ്ടായത്.

ALSO READ;പലരുടെയും ഉറക്കം നശിക്കും..! പുടിന് കൂട്ട് കിമ്മോ? കിമ്മിന്റെ ഭ്രാന്തൻ കളികൾ ലോകം കാണാനിരിക്കുന്നതേയുള്ളൂ

ചോക്കോ മേഖലയുടെ തലസ്ഥാനത്ത് ഭൂചലനത്തിൽ കനത്ത നാശനഷ്ടങ്ങൾ ഉണ്ടായതായാണ് വിവരം. ഇവിടെ നിരവധി പേർക്ക് പരിക്കേൽക്കുകയും കെട്ടിടങ്ങൾക്ക് ഗുരുതരമായ കേടുപാടുകൾ സംഭവിക്കുകയും ചെയ്തതായി ഗവർണർ സമൂഹമാധ്യമങ്ങളിലൂടെ അറിയിച്ചിട്ടുണ്ട്. എങ്കിലും നാശനഷ്ടങ്ങളുടെ കൂടുതൽ വിശദമായ വിവരങ്ങൾ ഇനിയേ പുറത്തുവരേണ്ടതുള്ളൂ.

കഴിഞ്ഞ ജൂൺ അവസാനത്തിൽ അയൽരാജ്യമായ വെനസ്വേലയിലുണ്ടായ ഇരട്ട ഭൂചലനങ്ങൾക്ക് പിന്നാലെയാണ് ഇപ്പോൾ കൊളംബിയയിലും ഇത്തരത്തിലുള്ള അപകടം സംഭവിക്കുന്നത്. അന്ന് വെനസ്വേലയിലുണ്ടായ 7.2, 7.5 തീവ്രതയുള്ള ഭൂചലനങ്ങളിൽ അയ്യായിരത്തിലധികം പേർ മരിക്കുകയും നൂറുകണക്കിന് കെട്ടിടങ്ങൾ തകരുകയും ചെയ്തിരുന്നു. തുടർച്ചയായി ലാറ്റിൻ അമേരിക്കൻ രാജ്യങ്ങളെ തേടിയെത്തുന്ന ഇത്തരം ദുരന്തങ്ങൾ വലിയ ആശങ്കയാണ് അന്താരാഷ്ട്ര തലത്തിൽ സൃഷ്ടിക്കുന്നത്.

The post പ്രശ്നമാണ്, കൊളംബിയയിലുണ്ടായ അതിശക്തമായ ഭൂചലനത്തിൽ 20 മരണം! appeared first on Express Kerala.