കേരള സർവകലാശാല ആസ്ഥാനത്തെ SFI പ്രതിഷേധത്തിൽ സംഘർഷം: പ്രവർത്തകരെ പോലീസ് ബലം പ്രയോഗിച്ച് നീക്കിയെന്ന് ആരോപണം

തിരുവനന്തപുരം: കേരള സർവകലാശാലയ്ക്ക് കീഴിലെ ലോ കോളേജുകളിലെ പരീക്ഷാ മൂല്യനിർണയത്തിലും പുനർമൂല്യനിർണയത്തിലും ഉയർന്ന അപാകതകൾക്കെതിരെ എസ്.എഫ്.ഐ നടത്തിയ പ്രതിഷേധം സംഘർഷത്തിൽ കലാശിച്ചു. സർവകലാശാല രജിസ്ട്രാറുടെ ഓഫീസിന് മുന്നിൽ കുത്തിയിരുന്ന് പ്രതിഷേധിച്ച പ്രവർത്തകരെ പോലീസ് ബലം പ്രയോഗിച്ച് നീക്കിയതോടെയാണ് സ്ഥിതിഗതികൾ വഷളായത്.(SFI Protest Kerala University Law College Evaluation Irregularities Clash Police)

പെൺകുട്ടികൾ അടക്കമുള്ള പ്രവർത്തകരെ പോലീസ് ബലമായി നീക്കിയതായി എസ്.എഫ്.ഐ ആരോപിച്ചു. ഇതിൽ പ്രതിഷേധിച്ച് പ്രവർത്തകർ തിരുവനന്തപുരം സിറ്റി പോലീസ് കമ്മീഷണർ ഓഫീസിലേക്ക് ശക്തമായ മാർച്ച് നടത്തി. പ്രവർത്തകരെ വിട്ടയക്കാമെന്ന് പോലീസ് അറിയിച്ചു.

Story Summary

A protest by the SFI at the Kerala University headquarters over evaluation and revaluation irregularities in law college examinations turned tense after the police forcibly removed the demonstrating activists. Protesting against the police action, SFI launched a march to the City Police Commissioner’s office.