ഷാറൂഖ് ഖാൻ, അജയ് ദേവ്ഗൺ, ടൈഗർ ഷ്രോഫ് എന്നിവർക്ക് FDAയുടെ കാരണം കാണിക്കൽ നോട്ടീസ്: 15 ദിവസത്തിനകം വിശദീകരണം നൽകണം

മുംബൈ: പാൻ മസാല ഉൽപ്പന്നത്തിന്റെ പരസ്യത്തിൽ അഭിനയിച്ച ബോളിവുഡ് താരങ്ങളായ ഷാറൂഖ് ഖാൻ, അജയ് ദേവ്ഗൺ, ടൈഗർ ഷ്രോഫ് എന്നിവർക്കെതിരെ മഹാരാഷ്ട്ര ഫുഡ് ആൻഡ് ഡ്രഗ് അഡ്മിനിസ്ട്രേഷൻ കാരണം കാണിക്കൽ നോട്ടീസ് അയച്ചു. സംസ്ഥാനത്ത് നിരോധിച്ചിട്ടുള്ള പാൻ മസാലയുടെ പ്രൊമോഷനായി അഭിനയിച്ചു എന്നാരോപിച്ചാണ് നടപടി.(Maharashtra FDA Issues Show Cause Notice To Shah Rukh Khan Ajay Devgn And Tiger Shroff)

15 ദിവസത്തിനകം ലിഖിതമായി വിശദീകരണം നൽകണമെന്നും അല്ലാത്തപക്ഷം നിയമനടപടികൾ സ്വീകരിക്കുമെന്നും എഫ്.ഡി.എ അറിയിച്ചു. നിരോധിത പുകയില ഉൽപ്പന്നങ്ങളും പാൻ മസാലകളും വിൽക്കുന്നതിനും പ്രചരിപ്പിക്കുന്നതിനുമെതിരെ മഹാരാഷ്ട്ര എഫ്.ഡി.എ നടപടികൾ കടുപ്പിക്കുന്നതിന്റെ ഭാഗമായാണ് മൂന്ന് സൂപ്പർതാരങ്ങളും നോട്ടീസ് നേരിടുന്നത്.

പരസ്യത്തിൽ ഇവർക്കുള്ള പങ്ക് വ്യക്തമാക്കാൻ ആവശ്യപ്പെട്ടിട്ടുണ്ട്. മഹാരാഷ്ട്ര ഫുഡ് സേഫ്റ്റി കമ്മീഷണർ 2026 ജൂലൈ 13-ന് പുറപ്പെടുവിച്ച ഉത്തരവ് പ്രകാരം സംസ്ഥാനത്ത് ഒരു വർഷത്തേക്ക് പാൻ മസാലയുടെ ഉൽപ്പാദനം, സംഭരണം, വിതരണം, വിൽപ്പന എന്നിവ പൂർണ്ണമായി നിരോധിച്ചിരിക്കുകയാണ്.

Story Summary

The Maharashtra FDA has issued show-cause notices to Bollywood actors Shah Rukh Khan, Ajay Devgn, and Tiger Shroff regarding their advertisement. The regulator claims the campaign acts as surrogate advertising for the banned Vimal Pan Masala and has asked the actors to respond within 15 days.