BJP ദേശീയ ഭാരവാഹികളെ പ്രഖ്യാപിച്ചു: ദേശീയ സെക്രട്ടറിയായി K സുരേന്ദ്രൻ, അനിൽ ആന്റണി തുടരും, പിയൂഷ് ഗോയൽ ട്രഷറർ | BJP National Office Bearers

ന്യൂഡൽഹി: ബി.ജെ.പി ദേശീയ അധ്യക്ഷൻ നിതിൻ നവീന്റെ നേതൃത്വത്തിലുള്ള പുതിയ ദേശീയ ഭാരവാഹി പട്ടിക പ്രഖ്യാപിച്ചു. നിരവധി പുതിയ മുഖങ്ങൾക്ക് സംഘടനാ ചുമതലകൾ നൽകിയപ്പോൾ, മുതിർന്ന നേതാക്കളായ സുനിൽ ബൻസാൽ, വിനോദ് താവ്ഡെ തുടങ്ങിയവരെ ദേശീയ ജനറൽ സെക്രട്ടറി സ്ഥാനത്ത് നിലനിർത്തിയിട്ടുണ്ട്.(BJP National Office Bearers, BJP Announces New National Office Bearers Under President Nitin Nabin)

കേരളത്തിൽ നിന്നുള്ള നേതാക്കളായ മുൻ സംസ്ഥാന പ്രസിഡന്റ് കെ. സുരേന്ദ്രൻ, അനിൽ ആന്റണി എന്നിവരെ 16 അംഗ ദേശീയ സെക്രട്ടറിമാരുടെ പട്ടികയിൽ ഉൾപ്പെടുത്തി. സന്ദീപ് പഥക്, ഫാംഗ്നോൺ കൊന്യാക്, ഭോലാ സിംഗ് തുടങ്ങിയവരാണ് മറ്റ് പ്രധാന ദേശീയ സെക്രട്ടറിമാർ. ദേശീയ ഉപാധ്യക്ഷന്മാർ വസുന്ധര രാജെ സിന്ധ്യ, തിരഥ് സിംഗ് റാവത്ത്, റാം മാധവ്, ബൈജയന്ത് പാണ്ഡ, ഡി. പുരന്ദേശ്വരി, രേഖാ വർമ്മ, വർഷാബെൻ നരേന്ദ്രഭായ് ദോഷി, ഭാരതി പ്രവീൺ പവാർ, മൻപ്രീത് സിംഗ് ബാദൽ, ലാൽ സിംഗ് ആര്യ, എം. നാഗരാജ, താരിഖ് മൻസൂർ, മധുചന്ദ്ര കർ എന്നിവരാണ്.

ദേശീയ ജനറൽ സെക്രട്ടറിമാർ വിനോദ് താവ്ഡെ, സുനിൽ ബൻസാൽ, ബിപ്ലബ് കുമാർ ദേബ്, സ്മൃതി ഇറാനി, സതീഷ് പൂനിയ, ഗജേന്ദ്ര പട്ടേൽ, ഹരീഷ് ദ്വിവേദി, സഞ്ജയ് ഭാട്ടിയ എന്നിവരാണ്. സംഘടനാ ചുമതലയുള്ളവർ ബി.എൽ. സന്തോഷ് (ദേശീയ ജനറൽ സെക്രട്ടറി – സംഘടന), ശിവപ്രകാശ്, സൗദാൻ സിംഗ് (ദേശീയ ജോയിന്റ് ജനറൽ സെക്രട്ടറിമാർ – സംഘടന) എന്നിങ്ങനെയാണ്. പിയൂഷ് ഗോയൽ ട്രഷററും, രാജേഷ് മംഗൾ ജോയിന്റ് ട്രഷററുമാണ്.

വിവിധ മോർച്ചകളുടെ അധ്യക്ഷന്മാരെയും പാർട്ടി പ്രഖ്യാപിച്ചിട്ടുണ്ട്. ഡോ. ഹേമാംഗ് ജോഷി (യുവമോർച്ച), രൂപ കുമാരി ചൗധരി (മഹിളാ മോർച്ച), അമർപാൽ മൗര്യ (ഒ.ബി.സി മോർച്ച), ബൻസിലാൽ ഗുർജാർ (കിസാൻ മോർച്ച) എന്നിവരാണ് പ്രധാന മോർച്ച തലവന്മാർ. അനിൽ ബലൂണിയെ മീഡിയ കൺവീനറായും ദീപക് മ്ഹാസ്‌കെയെ സോഷ്യൽ മീഡിയ കൺവീനറായും നിയമിച്ചു. പുതിയ നിയമനങ്ങൾ ഉടനടി പ്രാബല്യത്തിൽ വരുമെന്ന് ബി.ജെ.പി കേന്ദ്ര കാര്യാലയം അറിയിച്ചു.

Story Summary

BJP President Nitin Nabin announced the new team of national office-bearers, retaining key leaders while introducing several new faces. From Kerala, K Surendran and Anil Antony have been appointed as National Secretaries, alongside prominent appointments like Vasundhara Raje as Vice President and Smriti Irani as General Secretary.