ശുചിത്വമില്ലായ്മയും പ്രാണികളുടെ ശല്യവും: കൊളാബയിലെ മക്ഡോണാൾഡ്‌സ് ഔട്ട്‌ലെറ്റിന്റെ ലൈസൻസ് റദ്ദാക്കി എഫ്‌ഡിഎ | Mumbai McDonalds Colaba FDA action

മുംബൈ: കടുത്ത ശുചിത്വ ലംഘനങ്ങളും പാറ്റ ഉൾപ്പെടെയുള്ള പ്രാണികളുടെ സാന്നിധ്യവും കണ്ടെത്തിയതിനെ തുടർന്ന് സൗത്ത് മുംബൈയിലെ പ്രശസ്തമായ കൊളാബ മക്ഡോണാൾഡ്‌സ് (Mumbai McDonalds Colaba FDA action) ഔട്ട്‌ലെറ്റിന്റെ ലൈസൻസ് സസ്‌പെൻഡ് ചെയ്ത് മഹാരാഷ്ട്ര ഫുഡ് ആൻഡ് ഡ്രഗ് അഡ്മിനിസ്‌ട്രേഷൻ (FDA). പൊതുജനാരോഗ്യത്തിന് ഭീഷണിയാകുന്ന രീതിയിൽ പ്രവർത്തിച്ചതിനാണ് ഭരണകൂടത്തിന്റെ കശന നടപടി.

എഫ്‌ഡിഎ ഉദ്യോഗസ്ഥർ നടത്തിയ സർപ്രൈസ് പരിശോധനയിലാണ് ഹോട്ടലിലെ അടുക്കളയിലും ഭക്ഷണം സൂക്ഷിക്കുന്ന സ്ഥലങ്ങളിലും വൃത്തിഹീനമായ അന്തരീക്ഷവും പ്രാണികളുടെ ശല്യവും സ്ഥിരീകരിച്ചത്. ഫുഡ് സേഫ്റ്റി ആൻഡ് സ്റ്റാൻഡേർഡ്സ് ആക്ട് പ്രകാരമുള്ള അടിസ്ഥാന ശുചിത്വ മാനദണ്ഡങ്ങൾ പാലിക്കുന്നതിൽ ഔട്ട്‌ലെറ്റ് പരാജയപ്പെട്ടുവെന്ന് അധികൃതർ കണ്ടെത്തി.

തുടർന്ന് ഔട്ട്‌ലെറ്റിന്റെ ഫുഡ് ബിസിനസ് ലൈസൻസ് അടിയന്തരമായി സസ്‌പെൻഡ് ചെയ്യുകയും സ്ഥാപനം അടച്ചുപൂട്ടാൻ നിർദ്ദേശം നൽകുകയും ചെയ്തു. എഫ്‌ഡിഎ നിർദ്ദേശിക്കുന്ന ശുചിത്വ മാനദണ്ഡങ്ങൾ പൂർണ്ണമായും പാലിക്കുകയും പോരായ്മകൾ പരിഹരിച്ച് പുനഃപരിശോധനയിൽ വിജയിക്കുകയും ചെയ്യുന്നതുവരെ ഔട്ട്‌ലെറ്റിന് പ്രവർത്തനം പുനരാരംഭിക്കാൻ സാധിക്കില്ലെന്ന് അധികൃതർ വ്യക്തമാക്കി.

Story Summary: The Food and Drug Administration (FDA) of Maharashtra suspended the food business license of a McDonald’s outlet in South Mumbai’s Colaba following severe hygiene lapses and pest infestation. During a surprise inspection, officials discovered unsanitary conditions and roach presence in food preparation and storage areas, violating safety standards under the Food Safety and Standards Act. The outlet has been ordered to halt operations until all health and cleanliness compliance norms are fully met and verified upon re-inspection.