നേപ്പാളിലെ മിന്നൽപ്രളയം; 36 മലയാളി വിനോദസഞ്ചാരികൾ ദുരന്തമേഖലയിൽ കുടുങ്ങി; ഇടപെട്ട് മുഖ്യമന്ത്രി | Nepal flash flood

തിരുവനന്തപുരം: നേപ്പാളിലുണ്ടായ ശക്തമായ മിന്നൽപ്രളയത്തെ തുടർന്ന് 36 മലയാളി വിനോദസഞ്ചാരികൾ ദുരന്തബാധിത മേഖലയിൽ കുടുങ്ങി (Nepal flash flood). കനത്ത നാശനഷ്ടം റിപ്പോർട്ട് ചെയ്ത പ്രദേശത്താണ് മലയാളികൾ ഉൾപ്പെടുന്ന സംഘം നിലവിൽ കഴിയുന്നത്.

സംഘത്തിലുള്ള എല്ലാവരും സുരക്ഷിതരാണെന്നാണ് ലഭിക്കുന്ന വിവരം. എന്നാൽ പ്രളയത്തെ തുടർന്ന് പ്രദേശത്തെ ആശയവിനിമയ, ഗതാഗത സംവിധാനങ്ങൾ തടസ്സപ്പെട്ട സാഹചര്യത്തിൽ ഇവരുടെ നിലവിലെ സ്ഥിതിഗതികൾ സംബന്ധിച്ച് കൂടുതൽ വിവരങ്ങൾ ശേഖരിച്ചുവരികയാണ്.

മലയാളി വിനോദസഞ്ചാരികളുടെ സുരക്ഷ ഉറപ്പാക്കുന്നതിനും അവരുടെ നിലവിലെ സ്ഥിതിവിവരങ്ങൾ ഔദ്യോഗികമായി ശേഖരിക്കുന്നതിനുമായി സംസ്ഥാന സർക്കാർ അടിയന്തര ഇടപെടൽ ആരംഭിച്ചു.

ഇതിനായി ചീഫ് സെക്രട്ടറിക്ക് പ്രത്യേക ചുമതല നൽകിയതായി മുഖ്യമന്ത്രി വി.ഡി. സതീശൻ അറിയിച്ചു. വിദേശകാര്യ മന്ത്രാലയവുമായി ഏകോപനം നടത്തി ആവശ്യമായ നടപടികൾ സ്വീകരിക്കുമെന്നും മുഖ്യമന്ത്രി വ്യക്തമാക്കി.

നേപ്പാളിലെ ദുരന്തബാധിത മേഖലയിൽ രക്ഷാപ്രവർത്തനം തുടരുന്നതിനിടെ മലയാളി സംഘത്തെ സുരക്ഷിതമായി നാട്ടിലെത്തിക്കുന്നതിനുള്ള സാധ്യതകളും സർക്കാർ പരിശോധിച്ചുവരികയാണ്.

Story Summary:
A group of 36 Malayali tourists is reportedly stranded in a flash flood-affected area of Nepal. They are believed to be safe, while the Kerala government has initiated urgent steps to verify their status and coordinate assistance through the Ministry of External Affairs.