കീവ്: യുക്രെയ്നിൽ റഷ്യയുടെ മിസൈൽ-ഡ്രോൺ ആക്രമണം വീണ്ടും ശക്തമാകുന്നതിനിടെ യുദ്ധം കൂടുതൽ രൂക്ഷമാകുമെന്ന സൂചന നൽകി റഷ്യൻ പ്രസിഡന്റ് പുടിൻ. സമാധാന ചർച്ചകൾ വഴിമുട്ടിയ സാഹചര്യത്തിലാണ് യുക്രെയ്നിലെ വിവിധ നഗരങ്ങളിൽ റഷ്യ വ്യാപക ആക്രമണം നടത്തിയത്. കീവിലടക്കം സ്ഫോടനങ്ങൾ റിപ്പോർട്ട് ചെയ്തു. ഒമ്പത് നഗരങ്ങളിലെ യുദ്ധവുമായി ബന്ധപ്പെട്ട കേന്ദ്രങ്ങളാണ് ആക്രമണത്തിന്റെ ലക്ഷ്യമെന്നാണ് റഷ്യൻ പ്രതിരോധ മന്ത്രാലയത്തിന്റെ വിശദീകരണം. വ്യവസായ കേന്ദ്രങ്ങൾ, എണ്ണ ശുദ്ധീകരണശാലകൾ, ലോജിസ്റ്റിക്സ് ഹബ്ബുകൾ, തുറമുഖ അടിസ്ഥാന സൗകര്യങ്ങൾ എന്നിവയും ലക്ഷ്യമിട്ടതായി റഷ്യ അറിയിച്ചു. എന്നാൽ അപ്പാർട്ട്മെന്റുകൾ ഉൾപ്പെടെയുള്ള ജനവാസ മേഖലകൾക്കും നാശനഷ്ടമുണ്ടായതായി യുക്രെയ്ൻ വ്യക്തമാക്കി.
ആക്രമണത്തിൽ സപ്പോറീഷ്യ മേഖലയിലെ 78 വയസ്സുകാരിയായ സ്ത്രീയും ഖാർകിവിൽ ഒരാളും ഉൾപ്പെടെ കുറഞ്ഞത് രണ്ട് പേർ കൊല്ലപ്പെട്ടു. 14 പേർക്ക് പരിക്കേറ്റതായാണ് യുക്രെയ്ൻ അധികൃതരുടെ വിവരം. സമാധാന കരാർ സംബന്ധിച്ച ചർച്ചകൾ മുന്നോട്ട് പോകാത്ത സാഹചര്യത്തിൽ കൂടുതൽ ശക്തമായ ആക്രമണങ്ങൾ റഷ്യ പരിഗണിക്കുന്നതായാണ് ക്രെംലിനുമായി അടുത്ത വൃത്തങ്ങളെ ഉദ്ധരിച്ചുള്ള റിപ്പോർട്ടുകൾ. കീവിന്റെ മധ്യഭാഗം ഉൾപ്പെടെയുള്ള പ്രദേശങ്ങളെ ലക്ഷ്യമിട്ട് ശക്തമായ ബാലിസ്റ്റിക് മിസൈൽ ആക്രമണങ്ങൾ നടത്താനും അടിസ്ഥാന സൗകര്യങ്ങളെ കൂടുതൽ ആക്രമിക്കാനും റഷ്യ ആലോചിക്കുന്നതായാണ് സൂചന.
ALSO READ; ‘ഖാലിദ് ഷെയ്ഖ് മുഹമ്മദ്; ഒസാമ ബിൻലാദന്റെ വലംകൈ..! 9/11 ആക്രമണത്തിന്റെ ‘മാസ്റ്റർമൈൻഡ്’, രണ്ട് പതിറ്റാണ്ടിന് ശേഷം വിചാരണയ്ക്ക് തീയതി
ഇതിനിടെ റഷ്യൻ ബാലിസ്റ്റിക് മിസൈലുകളെ പ്രതിരോധിക്കാൻ ശേഷിയുള്ള അമേരിക്കൻ നിർമിത പാട്രിയറ്റ് മിസൈലുകളുടെ കുറവ് യുക്രെയ്ൻ നേരിടുകയാണ്. ഏതാനും ദിവസങ്ങൾക്കിടയിൽ വലിയ തോതിലുള്ള ആക്രമണങ്ങൾ നടത്തി യുക്രെയ്ന്റെ വ്യോമപ്രതിരോധ സംവിധാനങ്ങളെ തളർത്താനാണ് റഷ്യ ശ്രമിക്കുന്നതെന്നാണ് യുക്രെയ്ൻ പറയുന്നത്. കൂടുതൽ വ്യോമപ്രതിരോധ സഹായം യൂറോപ്പിനോട് പ്രസിഡന്റ് വൊളോഡിമിർ സെലെൻസ്കി ആവശ്യപ്പെട്ടു. അതേസമയം, യുദ്ധം അവസാനിപ്പിക്കാനുള്ള അമേരിക്കൻ നീക്കങ്ങൾക്കും ഇതുവരെ കാര്യമായ മുന്നേറ്റമുണ്ടായിട്ടില്ല. സിഐഎ ഡയറക്ടർ ജോൺ റാറ്റ്ക്ലിഫ് മോസ്കോ സന്ദർശിച്ച് റഷ്യൻ ഉദ്യോഗസ്ഥരുമായി ചർച്ച നടത്തിയപ്പോൾ സ്റ്റീവ് വിറ്റ്കോഫും ജാരഡ് കുഷ്നറും മോസ്കോയിലേക്ക് പോകുമെന്നാണ് റിപ്പോർട്ട്.
ഇതിനിടെ സെന്റ് പീറ്റേഴ്സ്ബർഗിൽ റഷ്യൻ സൈനിക ഉദ്യോഗസ്ഥനും ഭാര്യയും സഞ്ചരിച്ച കാർ പൊട്ടിത്തെറിച്ച് ഉദ്യോഗസ്ഥൻ കൊല്ലപ്പെടുകയും ഭാര്യക്ക് പരിക്കേൽക്കുകയും ചെയ്ത സംഭവവും റിപ്പോർട്ട് ചെയ്തു. റഷ്യൻ അന്വേഷണ സമിതി ഒരാൾ കൊല്ലപ്പെട്ടതായും ഒരാൾക്ക് പരിക്കേറ്റതായും സ്ഥിരീകരിച്ചെങ്കിലും മരിച്ചയാൾ സൈനികനാണെന്ന് സ്ഥിരീകരിച്ചിട്ടില്ല. സംഭവത്തിൽ യുക്രെയ്ൻ പ്രതികരിച്ചിട്ടില്ല. പുതിയ ആക്രമണങ്ങൾക്കിടെ തന്ത്രപ്രധാന ആണവായുധങ്ങൾ റഷ്യ ഉപയോഗിക്കുമോയെന്ന ആശങ്കയും ഉയരുന്നുണ്ട്. എന്നാൽ നിലവിൽ അത്തരമൊരു നീക്കത്തിന് റഷ്യ തയ്യാറെടുക്കുന്നതിന്റെ സൂചനകളില്ലെന്നാണ് വിലയിരുത്തൽ.
The post റഷ്യയുടെ അടുത്ത നീക്കം എന്ത്? ‘തിരിച്ചടി നേരിടാൻ തയ്യാറാകൂ’! യുക്രെയ്നിൽ ബാലിസ്റ്റിക് മിസൈൽ ഭീഷണി ശക്തം appeared first on Express Kerala.
Fresh Assorted Roses (Button Roses), 100g
(as of August 27, 2026 22:16 GMT +05:30 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
House of Quirk Universal Single Seater Sofa Cover Big Elasticity Cover for Couch 140 GSM Sofa Slipcover (Beige Tulip, 90-145cm)
₹800.00 (as of August 27, 2026 22:16 GMT +05:30 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
Wakefit ShapeSense Orthopedic Classic Memory Foam Mattress | 10 Years Warranty | Mattress King Bed, 8-Inch Bed Mattress, King Size (78x72x8 Inches, Medium Firm)
₹17,159.00 (as of August 27, 2026 22:16 GMT +05:30 - More infoProduct prices and availability are accurate as of the date/time indicated and are subject to change. Any price and availability information displayed on [relevant Amazon Site(s), as applicable] at the time of purchase will apply to the purchase of this product.)
