അഞ്ചുദിവസ പ്രവൃത്തി ആഴ്ചയടക്കം ആവശ്യങ്ങൾ; ബാങ്ക് ജീവനക്കാർ സെപ്റ്റംബർ 11ന് സൂചനാ പണിമുടക്കിലേക്ക് | Bank employees strike

ന്യൂഡൽഹി: വിവിധ ആവശ്യങ്ങൾ ഉന്നയിച്ച് രാജ്യത്തെ ബാങ്ക് ജീവനക്കാർ സമരപരിപാടികളിലേക്ക് (Bank employees strike). ബാങ്ക് ജീവനക്കാരുടെ സംയുക്ത സംഘടനയായ യുണൈറ്റഡ് ഫോറം ഓഫ് ബാങ്ക് യൂണിയൻസ് (യുഎഫ്ബിയു)യുടെ നേതൃത്വത്തിൽ സെപ്റ്റംബർ 11ന് സൂചനാ പണിമുടക്ക് നടത്തുമെന്ന് സംഘടനാ ഭാരവാഹികൾ അറിയിച്ചു.

ജീവനക്കാരുടെ ആവശ്യങ്ങളിൽ അനുകൂല തീരുമാനം ഉണ്ടായില്ലെങ്കിൽ സെപ്റ്റംബർ 28 മുതൽ 30 വരെ മൂന്ന് ദിവസത്തെ പണിമുടക്ക് നടത്തുമെന്നും തുടർന്ന് ഒക്ടോബർ 26 മുതൽ അനിശ്ചിതകാല സമരത്തിലേക്ക് കടക്കുമെന്നും യുഎഫ്ബിയു ഭാരവാഹികൾ ന്യൂഡൽഹിയിൽ നടത്തിയ വാർത്താസമ്മേളനത്തിൽ വ്യക്തമാക്കി.

ആഴ്ചയിൽ അഞ്ച് പ്രവൃത്തി ദിവസങ്ങൾ അനുവദിക്കുക എന്നതാണ് ജീവനക്കാരുടെ പ്രധാന ആവശ്യങ്ങളിലൊന്ന്. പരിഷ്കരിച്ച പെർഫോമൻസ് ലിങ്ക്ഡ് ഇൻസെന്റീവ് (PLI) പദ്ധതി പിൻവലിക്കണമെന്ന ആവശ്യവും സംഘടന മുന്നോട്ടുവച്ചിട്ടുണ്ട്.

ആവശ്യങ്ങൾ പരിഗണിച്ച് പരിഹാരം കാണാൻ ബന്ധപ്പെട്ട അധികൃതർ തയ്യാറാകണമെന്നാണ് യുഎഫ്ബിയുവിന്റെ നിലപാട്. ഇല്ലെങ്കിൽ ഘട്ടംഘട്ടമായി പ്രഖ്യാപിച്ച സമരപരിപാടികളുമായി മുന്നോട്ടുപോകുമെന്നും സംഘടന അറിയിച്ചു.

bBank employees across India, under the United Forum of Bank Unions, have announced an indicative strike on September 11 over demands including a five-day work week and withdrawal of the revised performance-linked incentive scheme. The unions have warned of a three-day strike from September 28 and an indefinite strike from October 26 if their demands are not met.