ആഷസ് തോൽവിക്ക് പിന്നാലെ ഇംഗ്ലീഷ് ടീമിനെ പിടിച്ചുലയ്ക്കുന്ന വെളിപ്പെടുത്തലുകളാണ് പുറത്തുവരുന്നത്. ന്യൂസിലൻഡ് പര്യടനത്തിനിടെ വെല്ലിങ്ടണിലെ ഒരു നൈറ്റ് ക്ലബ്ബിൽ മദ്യപിച്ച് ലക്കുകെട്ടെത്തിയ ബ്രൂക്ക് സുരക്ഷാ ജീവനക്കാരുമായി തർക്കത്തിലേർപ്പെട്ടതാണ് വിവാദത്തിന് തുടക്കമിട്ടത്. അബോധാവസ്ഥയിലായിരുന്ന താരത്തെ ക്ലബ്ബിൽ പ്രവേശിപ്പിക്കാൻ സുരക്ഷാ ജീവനക്കാർ തയ്യാറായില്ല. ഇതോടെ ബ്രൂക്ക് ജീവനക്കാരെ കൈയ്യേറ്റം ചെയ്യാൻ മുതിർന്നതായും റിപ്പോർട്ടുകളുണ്ട്.
കളത്തിലും പുറത്തും പരാജയം
നവംബർ ഒന്നിന് നടന്ന ഈ സംഭവത്തിന് തൊട്ടടുത്ത ദിവസം നടന്ന മത്സരത്തിൽ ഇംഗ്ലണ്ട് ദയനീയമായി പരാജയപ്പെട്ടു. ടീമിനെ നയിച്ച ബ്രൂക്ക് വെറും 6 റൺസ് മാത്രമെടുത്ത് വൻ പരാജയമായി മാറി. സംഭവത്തിൽ ഇംഗ്ലണ്ട് ക്രിക്കറ്റ് ബോർഡ് താരത്തിന് പിഴ ചുമത്തിയിരുന്നെങ്കിലും ആഷസിലെ 4-1 തോൽവിയോടെ പഴയ അച്ചടക്ക ലംഘനങ്ങൾ വീണ്ടും ചർച്ചയാവുകയായിരുന്നു.
Also Read: തിലക് വർമ്മ പുറത്ത്, പകരക്കാരനായി ഗിൽ വരുന്നു? സഞ്ജു സാംസന്റെ വിധി ഇനി എന്ത്!
മദ്യപാനവും ഫോട്ടോഷൂട്ടും; ടീമിനെതിരെ കടുത്ത നടപടി?
ഹാരി ബ്രൂക്ക് മാത്രമല്ല, ഇംഗ്ലീഷ് ടീമിലെ പല താരങ്ങളും മത്സരങ്ങൾ ഇല്ലാത്ത സമയങ്ങളിൽ അമിതമായി മദ്യപിച്ചിരുന്നതായും റിപ്പോർട്ടുകളുണ്ട്. ന്യൂസിലൻഡിലെ താമസസ്ഥലത്ത് വെച്ച് താരങ്ങൾ മദ്യപിച്ചുകൊണ്ട് നടത്തിയ ഫോട്ടോഷൂട്ട് നേരത്തെ വിവാദമായിരുന്നു. സംഭവത്തിൽ ബ്രൂക്ക് ക്ഷമാപണം നടത്തിയെങ്കിലും ക്യാപ്റ്റൻ സ്ഥാനത്ത് നിന്ന് താരത്തെ മാറ്റാനാണ് ഇംഗ്ലണ്ട് ആൻഡ് വെയ്ൽസ് ക്രിക്കറ്റ് ബോർഡ് (ECB) ആലോചിക്കുന്നത്. ടീമിലെ അച്ചടക്കമില്ലായ്മക്കെതിരെ കടുത്ത നടപടികൾ ഉടൻ ഉണ്ടായേക്കും.
The post മദ്യപിച്ച് ലക്കുകെട്ട് കൈയ്യാങ്കളി; ഹാരി ബ്രൂക്കിന് പണി കിട്ടുന്നു! appeared first on Express Kerala.
