പാതാൾപാനിയിൽ 30 സെക്കൻഡ് നീണ്ട ഭീതി: ജമ്പിംഗ് ഹൗസിന്റെ കാറ്റ് പോയി അഞ്ച് കുട്ടികൾ അടിയിൽ കുടുങ്ങി | Patalpani jumping house accident

ഇൻഡോർ: മധ്യപ്രദേശിലെ പ്രശസ്തമായ പാതാൾപാനി (Patalpani jumping house accident) വിനോദസഞ്ചാര കേന്ദ്രത്തിൽ റൈഡിനിടെ ജമ്പിംഗ് ഹൗസിന്റെ (Jumping House / Inflatable Bouncy) കാറ്റ് പെട്ടെന്ന് പോയതിനെ തുടർന്ന് അഞ്ച് കുട്ടികൾ ഇതിനടിയിൽ കുടുങ്ങി. 30 സെക്കൻഡോളം നീണ്ടുനിന്ന ഭീതിജനകമായ അവസ്ഥയ്ക്കൊടുവിൽ പ്രദേശവാസികളും മാതാപിതാക്കളും ചേർന്ന് കുട്ടികളെ അത്ഭുതകരമായി രക്ഷപ്പെടുത്തി.

പാതാൾപാനിയിലെ വാട്ടർഫാളിന് സമീപമുള്ള പാർക്കിൽ കുട്ടികൾ കളിച്ചുകൊണ്ടിരിക്കെ, ജമ്പിംഗ് ഹൗസിലേക്ക് കാറ്റ് നിറയ്ക്കുന്ന എയർ ബ്ലോവറിന്റെ (Air Blower) പ്രവർത്തനം പെട്ടെന്ന് നിലച്ചതാണ് അപകടത്തിന് കാരണമായത്. സെക്കൻഡുകൾക്കുള്ളിൽ പ്ലാസ്റ്റിക് ഘടന പൂർണ്ണമായും അമർന്ന് കുട്ടികൾ ഇതിനുള്ളിൽ അകപ്പെടുകയായിരുന്നു.

കുട്ടികളുടെ നിലവിളി കേട്ട് ഓടിയെത്തിയ മാതാപിതാക്കളും വ്യാപാരികളും ചേർന്ന് തയ്യൽ ഭാഗങ്ങൾ വലിച്ച് കീറിയാണ് കുട്ടികളെ പുറത്തെടുത്തത്. ഭാഗ്യവശാൽ കുട്ടികൾക്ക് ആർക്കും ഗുരുതരമായി പരിക്കേറ്റിട്ടില്ല. യാതൊരുവിധ സുരക്ഷാ മാനദണ്ഡങ്ങളും പാലിക്കാതെ പ്രവർത്തിച്ചിരുന്ന അമ്യൂസ്‌മെന്റ് റൈഡിനെതിരെ നടപടിയെടുക്കണമെന്ന് നാട്ടുകാർ ആവശ്യപ്പെട്ടു.