സ്ത്രീകൾക്ക് കൈകൊടുക്കാൻ വിസമ്മതം, തീവ്ര ചിന്താഗതികൾ: ഫ്ലൈ ദുബായ് ആക്രമണത്തിന് പിന്നിലെ ഒമാൻ സ്വദേശിയെ കുറിച്ചുള്ള വിവരങ്ങൾ പുറത്ത് | Flydubai Attacker

ടെൽ അവീവ്: ദുബായിൽ നിന്ന് ഇസ്രായേലിലെ ടെൽ അവീവിലേക്ക് പറന്ന ഫ്ലൈ ദുബായ് വിമാനത്തിൽ വെച്ച് ക്യാപ്റ്റനെ കുത്തിപ്പരിക്കേൽപ്പിച്ച് വിമാനം തകർക്കാൻ ശ്രമിച്ച സഹപൈലറ്റിനെക്കുറിച്ചുള്ള കൂടുതൽ ഞെട്ടിക്കുന്ന വിവരങ്ങൾ പുറത്ത്. ഒമാൻ സ്വദേശിയായ ഇയാൾ തീവ്ര മതചിന്ത വെച്ചുപുലർത്തിയിരുന്ന ആളായിരുന്നുവെന്നാണ് സഹപ്രവർത്തകർ വെളിപ്പെടുത്തുന്നത്.(Flydubai Attacker Profile Omani Copilot Details Tel Aviv Flight Attack)

ഭീകരാക്രമണ സാധ്യത മുന്നിൽക്കണ്ട് ഇസ്രായേൽ ഏജൻസികൾ അന്വേഷണം വ്യാപിപ്പിച്ചു. എട്ട് മാസം മുൻപാണ് ഇയാൾ ഫ്ലൈ ദുബായിൽ ജോലിയിൽ പ്രവേശിക്കുന്നത്. ജോലിസമയത്ത് അമിതമായ പ്രാർത്ഥനാ രീതികൾ പിന്തുടർന്നിരുന്ന ഇയാൾ, സഹപ്രവർത്തകരായ സ്ത്രീകളുമായി കൈകൊടുക്കാൻ പോലും വിസമ്മതിച്ചിരുന്നതായി റിപ്പോർട്ടുകൾ വ്യക്തമാക്കുന്നു. ഇസ്രായേലുമായി നയതന്ത്രബന്ധമില്ലാത്ത ഒമാൻ പൗരന് എങ്ങനെയാണ് ടെൽ അവീവിലേക്കുള്ള വിമാനത്തിൽ ഡ്യൂട്ടി നൽകിയതെന്ന ചോദ്യവും സുരക്ഷാ ഏജൻസികൾക്കിടയിൽ ഉയരുന്നുണ്ട്.

ആകാശത്തുവെച്ച് ക്യാപ്റ്റൻ സ്മിത് മച്ചാറിനെ കുത്തിപ്പരിക്കേൽപ്പിച്ച ശേഷം വിമാനത്തിന്റെ കൺട്രോളുകൾ കൈക്കലാക്കാൻ ശ്രമിച്ചതാണ് ആയിരക്കണക്കിന് അടി താഴേക്ക് വിമാനം കൂപ്പുകുത്താൻ കാരണമായത്. എന്നാൽ രക്തത്തിൽ കുളിച്ച അവസ്ഥയിലും കോക്പിറ്റ് തുറന്നുനൽകിയ ക്യാപ്റ്റന്റെയും, അകത്തുകയറി അക്രമിയെ സാഹസികമായി കീഴടക്കിയ യാത്രക്കാരുടെയും ധീരത വിമാനത്തിലുണ്ടായിരുന്ന 174 പേരുടെ ജീവൻ കാത്തു. പ്രതിയെ നിലവിൽ സൗദി അറേബ്യൻ പൊലീസിന്റെ കസ്റ്റഡിയിൽ ചോദ്യം ചെയ്തുവരികയാണ്.

Story Summary

Details have emerged about the Omani co-pilot who attacked the captain and attempted to hijack a flydubai flight to Israel, with colleagues describing him as displaying extreme religious behavior. Israeli authorities are probing the midair crisis as a potential terror attack while questioning how the Omani national was assigned to a flight bound for Tel Aviv.