നോയിഡയിലെ സൂപ്പർനോവയിൽ 43-ാം നിലയിൽ നിന്ന് യുവാവ് വീണ് മരിച്ചു; പൊലീസ് അന്വേഷണം | Noida Supernova 43rd floor death

നോയിഡ: ഡൽഹിക്ക് സമീപം നോയിഡയിലെ സൂപ്പർനോവ സമുച്ചയത്തിൽ 43-ാം നിലയിൽ നിന്ന് വീണ് യുവാവ് മരിച്ചു. സെക്ടർ 94ലെ സ്പിറ ടവറിലാണ് സംഭവം. മരിച്ചയാളെ ഹരിയാനയിലെ മനേസർ സ്വദേശിയായ സംഭവ് ജെയിൻ എന്നാണ് പൊലീസ് തിരിച്ചറിഞ്ഞത്. (Noida Supernova 43rd floor death)

കെട്ടിടത്തിലെ എയർബിഎൻബിയിൽ താമസിച്ചിരുന്ന സംഭവ് ജെയിൻ വെള്ളിയാഴ്ചയാണ് അവിടെ ചെക്ക് ഇൻ ചെയ്തതെന്ന് പൊലീസ് പറഞ്ഞു. ശനിയാഴ്ച ഉച്ചയോടെ ചെക്ക് ഔട്ട് ചെയ്യാനിരിക്കെയാണ് സംഭവമുണ്ടായത്. സംഭവത്തിന് മുമ്പ് പിതാവിനെ പലതവണ ഫോണിൽ വിളിച്ചിരുന്നതായും പൊലീസ് അറിയിച്ചു. സംഭവസ്ഥലത്തുണ്ടായിരുന്ന മറ്റൊരാൾ യുവാവിനെ പിന്തിരിപ്പിക്കാൻ ശ്രമിച്ചെങ്കിലും വിജയിച്ചില്ലെന്നാണ് പൊലീസ് പറയുന്നത്. നിലത്തുവീണതിനെ തുടർന്ന് സംഭവസ്ഥലത്തുവച്ചുതന്നെ മരണം സംഭവിച്ചു. കുടുംബത്തെ വിവരം അറിയിച്ചതായും മൃതദേഹം പോസ്റ്റ്‌മോർട്ടത്തിനായി മാറ്റിയതായും പൊലീസ് അറിയിച്ചു.

പൊലീസും ഫോറൻസിക് സയൻസ് ലബോറട്ടറി സംഘവും സ്ഥലത്ത് പരിശോധന നടത്തി തെളിവുകൾ ശേഖരിച്ചു. സമീപത്തെ സിസിടിവി ദൃശ്യങ്ങൾ ഉൾപ്പെടെ പരിശോധിച്ച് സംഭവത്തിന്റെ വിവിധ വശങ്ങൾ അന്വേഷിച്ചുവരികയാണ്. യുവാവ് കടുത്ത സാമ്പത്തിക സമ്മർദത്തിലായിരുന്നുവെന്നാണ് സമീപത്തുണ്ടായിരുന്നവരിൽ നിന്ന് ലഭിച്ച പ്രാഥമിക വിവരമെന്നും പൊലീസ് പറഞ്ഞു. സൂപ്പർനോവ സമുച്ചയത്തിൽ സമാനമായ സംഭവങ്ങൾ മുമ്പും റിപ്പോർട്ട് ചെയ്തിട്ടുണ്ട്. കഴിഞ്ഞ വർഷം ഓഗസ്റ്റിൽ ഡൽഹി സ്വദേശിയായ 23കാരനായ നിയമവിദ്യാർഥി കെട്ടിടത്തിന്റെ 32-ാം നിലയിൽ നിന്ന് വീണ് മരിച്ചിരുന്നു. 2023 ജനുവരിയിൽ നിർമാണത്തിലായിരുന്ന സ്പിറ ടവറിന്റെ 43-ാം നിലയിൽ നിന്ന് ഡൽഹി സ്വദേശിയായ 43കാരനായ പ്രോപ്പർട്ടി കൺസൾട്ടന്റും വീണ് മരിച്ചിരുന്നു.

Summary: A man identified as Sambhav Jain from Manesar died after falling from the 43rd floor of the Supernova complex in Noida. Police said he had been staying at an Airbnb in the building and are investigating the incident, including CCTV footage and other evidence.