സച്ചിൻ തെൻഡുൽക്കറുടെ മറ്റൊരു ലോക റെക്കോർഡ് കൂടി പഴങ്കഥയാക്കി ഇന്ത്യൻ റൺ മെഷീൻ വിരാട് കോഹ്ലി. ന്യൂസീലൻഡിനെതിരായ ഒന്നാം ഏകദിന മത്സരത്തിൽ ബാറ്റിംഗിനിറങ്ങിയ കോഹ്ലി, രാജ്യാന്തര ക്രിക്കറ്റിൽ ഏറ്റവും വേഗത്തിൽ 28,000 റൺസ് പിന്നിടുന്ന താരം എന്ന ഐതിഹാസിക നേട്ടമാണ് സ്വന്തം പേരിലാക്കിയത്. വഡോദരയിൽ നടന്ന മത്സരത്തിലാണ് ക്രിക്കറ്റ് ലോകത്തെ വിസ്മയിപ്പിച്ച ഈ റെക്കോർഡ് പിറന്നത്.
തന്റെ കരിയറിലെ 624-ാം ഇന്നിങ്സിലാണ് കോഹ്ലി ഈ നേട്ടത്തിലെത്തിയത്. ഇത്രയും റൺസ് തികയ്ക്കാൻ ഇതിഹാസ താരം സച്ചിൻ തെൻഡുൽക്കർക്ക് 644 ഇന്നിങ്സുകൾ വേണ്ടിവന്നിരുന്നു. ലോക ക്രിക്കറ്റിൽ സച്ചിനും കുമാർ സംഗക്കാരയ്ക്കും ശേഷം 28,000 റൺസ് ക്ലബ്ബിലെത്തുന്ന മൂന്നാമത്തെ താരം കൂടിയാണ് വിരാട് കോഹ്ലി. സംഗക്കാര 666 ഇന്നിങ്സുകളിൽ നിന്നാണ് ഈ നേട്ടം കൈവരിച്ചത്.
Also Read: റെക്കോർഡുകൾ കീഴടക്കി ‘കിങ്’ കോഹ്ലി; വഡോദരയിൽ ഗാംഗുലിയെ മറികടന്ന് ചരിത്രനേട്ടം
37-കാരനായ കോഹ്ലി നിലവിൽ ഏകദിന ഫോർമാറ്റിൽ മാത്രമാണ് കളിക്കുന്നത്. കരിയറിൽ ഇതുവരെ 309 ഏകദിനങ്ങളും 125 ട്വന്റി20കളും 123 ടെസ്റ്റ് മത്സരങ്ങളും കളിച്ചിട്ടുള്ള താരം, അടുത്ത ഏകദിന ലോകകപ്പ് വരെ ടീമിലുണ്ടാകുമെന്ന വലിയ പ്രതീക്ഷയിലാണ് ആരാധകർ.
The post ക്രിക്കറ്റ് ചരിത്രത്തിൽ പുതിയൊരധ്യായം; സച്ചിന്റെ റെക്കോർഡ് തകർത്ത് വിരാട് കോഹ്ലി appeared first on Express Kerala.
