ലോകത്തെ ബന്ധിപ്പിച്ച ഘടകങ്ങളെല്ലാം ഇന്ന് ആയുധങ്ങളായി മാറുന്നു: ആഗോള വ്യാപാരത്തിലും ഊർജ്ജ മേഖലയിലുമുള്ള സമ്മർദ്ദ തന്ത്രങ്ങൾക്കെതിരെ മുന്നറിയിപ്പുമായി പ്രധാനമന്ത്രി നരേന്ദ്ര മോദി; ഹരിത ഊർജ്ജ മാറ്റത്തിലും സുസ്ഥിര വികസനത്തിലും ഭാരതം ലോകത്തിന് മാതൃക
Current: മലയാളം
ഡല്‍ഹി: ആഗോള വ്യാപാരം, ഊര്‍ജ്ജം, വിതരണ ശൃംഖലകള്‍ എന്നിവ ആയുധമാക്കപ്പെടുന്നതിനെതിരെ ശക്തമായ മുന്നറിയിപ്പുമായി പ്രധാനമന്ത്രി നരേന്ദ്ര മോദി.
ന്യൂഡല്‍ഹിയില്‍ നടന്ന ‘ബ്ലൂംബെര്‍ഗ് ന്യൂ ഇക്കണോമി ഫോറത്തെ’ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
ലോകം ഒരു പ്രതിസന്ധിയില്‍ നിന്ന് കരകയറാന്‍ ശ്രമിക്കുമ്പോള്‍ തന്നെ അടുത്ത തിരിച്ചടി നേരിടേണ്ടി വരികയാണെന്നും, ഒരുകാലത്ത് ലോകത്തെ പരസ്പരം ബന്ധിപ്പിച്ചിരുന്ന ഘടകങ്ങളെല്ലാം ഇന്ന് സമ്മര്‍ദ്ദ തന്ത്രങ്ങള്‍ക്കും ആധിപത്യത്തിനുമുള്ള ആയുധങ്ങളായി മാറിക്കൊണ്ടിരിക്കുകയാണെന്നും പ്രധാനമന്ത്രി ചൂണ്ടിക്കാട്ടി.
പാതകങ്ങള്‍, യുദ്ധങ്ങള്‍, വ്യാപാര തടസ്സങ്ങള്‍ എന്നിവയുള്‍പ്പെടെ ഇരുപത്തിയൊന്നാം നൂറ്റാണ്ടിലെ ഈ ദശകം അഭൂതപൂര്‍വ്വമായ ആഗോള വെല്ലുവിളികളിലൂടെയാണ് കടന്നുപോകുന്നത്.
എന്നാല്‍ ഈ ആഗോള വെല്ലുവിളികള്‍ക്കിടയിലും ഭാരതം വ്യത്യസ്തമായ നിലപാടോടെ മുന്നേറുകയാണെന്ന് മോദി പറഞ്ഞു. 2014-ല്‍ ഇന്ത്യയുടെ പുനരുപയോഗ ഊര്‍ജ്ജ ശേഷി 75 ഗിഗാവാട്ട് മാത്രമായിരുന്നത് ഇന്ന് നാല് മടങ്ങ് വര്‍ധിച്ച് 300 ഗിഗാവാട്ടിലെത്തിയെന്ന് അദ്ദേഹം വ്യക്തമാക്കി.
അന്താരാഷ്ട്ര സോളാര്‍ അലയന്‍സ്, ഗ്ലോബല്‍ ബയോഫ്യുവല്‍ അലയന്‍സ്, ഇന്ത്യ-മിഡില്‍ ഈസ്റ്റ്-യൂറോപ്പ് ഇക്കണോമിക് കോറിഡോര്‍, മിഷന്‍ ലൈഫ് തുടങ്ങിയ പദ്ധതികളിലൂടെ ആഗോള സുസ്ഥിരതയ്ക്കും പരിസ്ഥിതി സംരക്ഷണത്തിനും ഇന്ത്യ നല്‍കിയ സംഭാവനകളെക്കുറിച്ചും പ്രധാനമന്ത്രി പ്രസംഗത്തില്‍ വിശദീകരിച്ചു.
