‘ഓരോരുത്തരും അവരവരുടേതായ അഭിപ്രായങ്ങൾ പറയും, അതെല്ലാം പാർട്ടിയുടെ ഔദ്യോഗിക പ്രതികരണമല്ല’: R ശ്രീലേഖയുടെ പരാമർശത്തിൽ V മുരളീധരൻ | V Muraleedharan

തിരുവനന്തപുരം: ബി.ജെ.പി നേതാവ് ആർ. ശ്രീലേഖയുടെ വിവാദ പരാമർശങ്ങളെക്കുറിച്ചുള്ള ചോദ്യങ്ങളോട് കൃത്യമായി പ്രതികരിക്കാതെ വി. മുരളീധരൻ എം.എൽ.എ. ബി.ജെ.പി വലിയൊരു പാർട്ടിയാണെന്നും, ഓരോരുത്തരും അവരവരുടേതായ അഭിപ്രായങ്ങൾ പറയും എന്നല്ലാതെ അത് പാർട്ടിയുടെ ഔദ്യോഗിക നിലപാടല്ലെന്ന് അദ്ദേഹം കൂട്ടിച്ചേർത്തു.(V Muraleedharan Avoids Sreelekha Comments Slams Government On CMRL Case)

എന്നാൽ സി.എം.ആർ.എൽ മാസപ്പടി കേസിൽ മുൻ മുഖ്യമന്ത്രി പിണറായി വിജയനും മറ്റ് പ്രതികൾക്കുമെതിരായ കോടതി വിധിയെയും സർക്കാരിന്റെ നിലപാടിനെയും അദ്ദേഹം രൂക്ഷമായി വിമർശിച്ചു. മാസപ്പടി കേസിൽ പ്രതികളുടെ അപ്പീൽ തള്ളിയ ഹൈക്കോടതി നടപടി ‘ഇന്ത്യ’ സഖ്യത്തിലെ കക്ഷികളുടെ കള്ളക്കളിയാണ് പൊളിച്ചതെന്ന് വി. മുരളീധരൻ പറഞ്ഞു.

കേസിൽ എൻഫോഴ്സ്മെന്റ് ഡയറക്ടറേറ്റ് (ED) കൃത്യമായ രേഖകളും തെളിവുകളും നൽകിയിട്ടുണ്ടെന്നും, എന്നാൽ സർക്കാർ അന്വേഷണത്തിന് മടിച്ചുനിൽക്കുകയാണോ എന്ന് സംശയമുണ്ടെന്നും അദ്ദേഹം ആരോപിച്ചു. പ്രതികൾക്കൊപ്പമാണ് സർക്കാരിന്റെ നിലപാടെങ്കിൽ ആഭ്യന്തരമന്ത്രിക്കെതിരെ ജനങ്ങൾക്ക് എങ്ങനെ വിശ്വാസ്യതയുണ്ടാകുമെന്നും അദ്ദേഹം ചോദിച്ചു.

Story Summary 

Senior BJP leader V. Muraleedharan avoided direct comments on party vice president R. Sreelekha’s recent controversial remarks, stating that individuals express personal opinions in a large party. However, he launched a sharp attack on the Kerala government over the CMRL-Exalogic payoff case, welcoming the court’s rejection of the accused’s appeal while criticizing Pinarayi Vijayan’s continuation as Leader of the Opposition.