ദിലീപ് ചിത്രം ഹെനോക്ക് ആരംഭിച്ചു; ഉല്ലാസ് കൃഷ്ണ സംവിധായകൻ , എം സ്റ്റാർ എൻ്റെർപ്രൈൻമെൻ്റ്സ് നിർമ്മാണം
Current: മലയാളം
കൊച്ചി: ദിലീപ് ഫൊറൻസിക് സർജനായി അഭിനയിക്കുന്ന പുതിയ ചിത്രം ഹെനോക്ക് ആലപ്പുഴയിൽ ആരംഭിച്ചു.
ഉല്ലാസ് കൃഷ്ണ സംവിധാനം ചെയ്യുന്ന ഈ ചിത്രം എം സ്റ്റാർ എൻ്റെ ടൈൻമെൻ്റ്സ് നിർമ്മിക്കുന്നു.
ഒക്ടോബർ പത്തൊമ്പത് തിങ്കളാഴ്ച്ച ആലപ്പുഴ കല്ലുപാലത്ത് തിരുവതാംകൂർ സഹോദരിമാരായ ലളിത പത്മിനി രാഗിണി മാരുടെ പുരാതനമായ തറവാട്ടിലായിരുന്നു ചിത്രീകരണത്തിന് ആരംഭം കുറിച്ചത്.
ദിലീപും, മറ്റ് അഭിനേതാക്കളും, അണിയറപ്രവർത്തകരും ആദ്യ ഭദ്രദീപം തെളിയിച്ചു കൊണ്ടാണ് ചടങ്ങുകൾക്കു തുടക്കമായത് .
പ്രശസ്‌ത നിർമ്മാതാവ് . ജോബി ജോർജ് സ്വിച്ചോൺ കർമ്മം നിർവ്വഹിച്ചു. The man in the mist എന്ന അടിക്കുറപ്പോടെ യാണ് ഈ ചിത്രമെത്തുന്നത്.
ഹെനോക് എന്ന ബൈബിൾ വാക്കിനെ അനുസ്മരിപ്പിക്കു ന്നത് ദൈവത്തിനൊപ്പം സഞ്ചരിക്കുന്നവൻ എന്നതാണ്.
ഈ ചിത്രത്തിലെ ഫൊറൻസിക് സർജൻ ദൈവത്തിനൊപ്പം സഞ്ചരിക്കുമ്പോൾ എന്തെല്ലാം നീതിയാണ് ലഭിക്കുന്നത്.?
നിഗൂഢത നിറഞ്ഞ കഥാ പശ്ചാത്തലവും, ഉദ്വേഗം നിറഞ്ഞ അന്വേഷണവുമാണ് ചിത്രത്തെ മുന്നോട്ടു നയിക്കുന്നതെന്നാണ് ടൈറ്റിൽസൂചിപ്പിക്കുന്നത്
തുടക്കം മുതൽ ഉദ്വേഗത്തിൻ്റെ മുൾമുനയിലൂടെ സഞ്ചരിക്കുകയാണ് ഈ ചിത്രം.
. കഥയുടെ കെട്ടുറപ്പിലും പുതുമയിലും അവതരണ മികവും കൊണ്ട് വേറിട്ട ഒരു ദൃശ്യാനുഭവം പ്രേഷകർക്കു സമ്മാനിക്കുവാനുള്ള ശ്രമത്തിലാണ് സംവിധായകൻ ഉല്ലാസ് കൃഷ്ണ.
പുഷ്പകവിമാനമെന്ന ആദ്യ ചിത്രത്തിലൂടെ തൻ്റെ കൈയ്യൊപ്പു പതിപ്പിച്ച ഉല്ലാസ് കൃഷ്ണ ഇക്കുറി വലിയ ക്യാൻവാസ്സിലേക്കു നീങ്ങുകയാണ്.
വലിയ താരനിരയുടെ അകമ്പടിയോടെ യെത്തുന്ന ഈ ചിത്രം വലിയ മുതൽ മുടക്കിലാണെത്തുന്നത്. ആലപ്പുഴ കുട്ടനാട് പൂനെ എന്നിവിടങ്ങളിലായിട്ടാണ് ചിത്രീകരണം പൂർത്തിയാകുന്നത്.
റോബിനും ഉല്ലാസ് കൃഷ്ണയും ചേർന്നാണ് തിരക്കഥ ഒരുക്കിയിരിക്കുന്നത്.
ജോണി ആന്റണി, എമിൽ ജോർജ്, അർജുൻ രാധാകൃഷ്ണൻ, ഗ്രേസ് ആന്റണി, മനോജ് കെ.യു., സുധി കോപ്പ, പ്രാർത്ഥന എസ്., ശ്രുതി ജയൻ, ഷാജു ശ്രീധർ, രഘുനാഥ് പലേരി, നിസ്താർ സെയ്ത്, പ്രമോദ് വെളിയനാട്, സോഹൻ സീനുലാൽ, വിനോദ് കെടാമംഗലം, ആശാ മഠത്തിൽ ശ്രീകാന്ത് തുടങ്ങിയവരും ചിത്രത്തിലെ പ്രധാന അഭിനേതാക്കളാണ്.
ഛായാഗ്രഹണം: ഷാജികുമാർ, എഡിറ്റിംഗ്: ഷഫീഖ് വി.ബി., സംഗീതം: മുജീബ് മജീദ്, എക്സിക്യൂട്ടീവ് പ്രൊഡ്യൂസർ: എമിൽ ജോർജ്, പ്രൊഡക്ഷൻ കോർഡിനേറ്റർ: നോബിൾ ജേക്കബ്, പ്രൊഡക്ഷൻ ഡിസൈനർ: സുനിൽ ദാസ്, മേക്കപ്പ്: റോണക്സ് സേവ്യർ, കോസ്റ്റ്യൂം ഡിസൈനർ: അരുൺ മനോഹർ, അസോസിയേറ്റ് ഡയറക്ടർ: ദീപക് എ. നാരായൺ, പ്രൊഡക്ഷൻ കൺട്രോളർ: ദീപക് പരമേശ്വരൻ, ഡിസൈൻസ്: യെല്ലോ ടൂത്ത്സ്, സ്റ്റിൽസ്: നന്ദു, ഡിജിറ്റൽ പ്രമോഷൻസ്: അനൂപ് സുന്ദരൻ, വേഫറർ ഫിലിംസ് ഈ ചിത്രം പ്രദർശനത്തിനെത്തിക്കുന്നു.
