ഡൽഹി: ഇ-കൊമേഴ്സ് കമ്പനികളുടെ പത്തു മിനിറ്റ് ഡെലിവറി വാഗ്ദാനത്തിന് അന്ത്യമാകുന്നു. ഡെലിവറി തൊഴിലാളികളുടെ സുരക്ഷ മുൻനിർത്തിയാണ് കേന്ദ്ര തൊഴിൽ മന്ത്രാലയത്തിന്റെ നിർണ്ണായക ഇടപെടൽ. കേന്ദ്ര തൊഴിൽ മന്ത്രി മൻസുഖ് മാണ്ഡവ്യ വിളിച്ചുചേർത്ത ഇ-കൊമേഴ്സ് പ്രതിനിധികളുടെ യോഗത്തിലാണ് സമയപരിധി നിശ്ചയിച്ചുള്ള ഡെലിവറികൾ ഒഴിവാക്കാൻ തീരുമാനമായത്. 10 മിനിറ്റിൽ ഡെലിവറി എന്ന വാഗ്ദാനം ഒഴിവാക്കാൻ ബ്ലിങ്കിറ്റ്, സ്വിഗ്ഗി, സൊമാറ്റോ, സെപ്റ്റോ തുടങ്ങിയ ഇ-കൊമേഴ്സ് സ്ഥാപന പ്രതിനിധികളോട് മന്ത്രി ആവശ്യപ്പെട്ടു.
10 മിനിറ്റിനുള്ളിൽ ഉൽപ്പന്നങ്ങൾ എത്തിക്കുമെന്ന വാഗ്ദാനം ബ്ലിങ്കിറ്റ്, സ്വിഗ്ഗി, സൊമാറ്റോ, സെപ്റ്റോ തുടങ്ങിയ കമ്പനികൾ ഇനി നൽകില്ല. “10 മിനിറ്റിനുള്ളിൽ പതിനായിരത്തിലധികം ഉൽപ്പന്നങ്ങൾ” എന്ന ടാഗ്ലൈൻ “30,000-ത്തിലധികം ഉൽപ്പന്നങ്ങൾ നിങ്ങളുടെ വീട്ടുവാതിൽക്കൽ” എന്നതാക്കി പരിഷ്കരിക്കാൻ തീരുമാനിച്ചു. അതിവേഗ ഡെലിവറി ലക്ഷ്യമിട്ട് തൊഴിലാളികൾ നടത്തുന്ന അപകടകരമായ യാത്രകൾ ഒഴിവാക്കുകയാണ് ഈ നീക്കത്തിന്റെ ലക്ഷ്യം.
Also Read: അത്രയ്ക്ക് സ്നേഹമാണെങ്കിൽ വീട്ടിൽ കൊണ്ടുപോയി നോക്കിക്കൂടെ? മൃഗസ്നേഹികളോട് കോടതി
മെച്ചപ്പെട്ട വേതനത്തിനും ജോലി സുരക്ഷയ്ക്കും വേണ്ടി ഡിസംബർ 25-ന് ഡെലിവറി തൊഴിലാളികളുടെ യൂണിയനുകൾ വലിയ പ്രതിഷേധം നടത്തിയിരുന്നു. സമയാധിഷ്ഠിത ഡെലിവറി സമ്മർദ്ദം കുറയ്ക്കണമെന്നതായിരുന്നു അവരുടെ പ്രധാന ആവശ്യങ്ങളിൽ ഒന്ന്. ഇതിനു പിന്നാലെ സ്വിഗ്ഗിയും സൊമാറ്റോയും ഇൻസെന്റീവ് നിരക്കുകൾ വർദ്ധിപ്പിക്കുകയും ചെയ്തു.
The post 10 മിനിറ്റ് ഡെലിവറി അവസാനിക്കുന്നു; തൊഴിലാളികളുടെ സുരക്ഷ മുൻനിർത്തി കേന്ദ്ര ഇടപെടൽ appeared first on Express Kerala.
