‘മോദി നഹി ജായേംഗേ’ എന്ന് ഗുജറാത്തിലെ വേദിയിൽ മുദ്രാവാക്യം: ‘നിങ്ങളുടെ വ്യാമോഹം’ എന്ന് കോൺഗ്രസിൻ്റെ തിരിച്ചടി | Gujarat Event

ന്യൂഡൽഹി: ഗുജറാത്തിലെ ബനാസ്‌കാന്തയിലുള്ള ഭാരത് ബൊവൈൻ ബ്രീഡിംഗ് ആൻഡ് റിസർച്ച് സെന്ററിൽ പ്രധാനമന്ത്രി നരേന്ദ്ര മോദിയുടെ സന്ദർശനത്തിനിടെ ഉയർന്ന മുദ്രാവാക്യം രാഷ്ട്രീയ പോരിലേക്ക്. വിദ്യാർത്ഥികളുമായി ചിത്രങ്ങൾക്ക് പോസ് ചെയ്യുന്നതിനിടെ സദസ്സിൽ നിന്ന് ‘മോദി പോകില്ല’ എന്ന മുദ്രാവാക്യം ഉയർന്നു. ഇതിന്റെ വീഡിയോ പുറത്തുവന്നതിന് പിന്നാലെ ‘നിങ്ങളുടെ വ്യാമോഹം’ എന്ന് പരിഹസിച്ച് കോൺഗ്രസ് രംഗത്തെത്തി.(Gujarat Event, Modi Nahi Jayenge Slogan Congress Pawan Khera Retorts You Wish)

പാർലമെന്റ് സമ്മേളനം ആരംഭിക്കട്ടെയെന്നും, അതിനുശേഷം രാജ്യത്തുനിന്നും ലോകത്തിൽ നിന്നും ഓടിയൊളിക്കാനുള്ള തിരക്ക് കാണാമെന്നും കോൺഗ്രസ് വക്താവ് പവൻ ഖേര എക്‌സിൽ കുറിച്ചു. അടുത്തിടെ പട്നയിൽ നടന്ന പരിപാടിയിൽ “മോദി എങ്ങും പോകില്ല” എന്ന് സദസ്സിൽ നിന്ന് ഉയർന്ന ചോദ്യത്തിന് “മോദിയുടെ പിതാവ് പോലും പോകും” എന്ന് കോൺഗ്രസ് അധ്യക്ഷൻ മല്ലികാർജുൻ ഖാർഗെ പറഞ്ഞത് വലിയ വിവാദമായിരുന്നു. ഇതിന് പിന്നാലെയാണ് പുതിയ വാക്‌പോര്.

ഗുജറാത്ത് മുഖ്യമന്ത്രി ഭൂപേന്ദ്ര പട്ടേൽ, ഉപമുഖ്യമന്ത്രി ഹർഷ് സംഘവി എന്നിവർക്കൊപ്പം 14,000 കോടിയിലധികം രൂപയുടെ വികസന പദ്ധതികളുടെ ഉദ്ഘാടനത്തിനും തറക്കല്ലിടലിനുമാണ് പ്രധാനമന്ത്രി മേഖലയിൽ എത്തിയത്.

Story Summary

A political row erupted after slogans of ‘Modi nahi jayenge’ were raised during PM Narendra Modi’s interaction with students at a cattle farm in Gujarat’s Banaskantha. Congress leader Pawan Khera mocked the slogan with “You wish!”, adding that the PM would run away once the Parliament session starts, reflecting ongoing political friction following Mallikarjun Kharge’s recent controversial remarks.