പ്രധാൻ മന്ത്രി ഉജ്ജ്വല യോജന ഗുണഭോക്താക്കൾക്ക് ദീപാവലിക്കും ഹോളിക്കും സൗജന്യ LPG സിലിണ്ടർ: വൻ പ്രഖ്യാപനവുമായി യോഗി ആദിത്യനാഥ് | Yogi Adityanath
Current: മലയാളം
ലഖ്‌നൗ: ഉത്തർപ്രദേശിലെ പ്രധാൻ മന്ത്രി ഉജ്ജ്വല യോജന ഗുണഭോക്താക്കളായ നിർദ്ധന കുടുംബങ്ങൾക്ക് ദീപാവലിക്കും ഹോളിക്കും സൗജന്യമായി പാചകവാതക സിലിണ്ടറുകൾ നൽകുമെന്ന് മുഖ്യമന്ത്രി യോഗി ആദിത്യനാഥ് പ്രഖ്യാപിച്ചു. സംസ്ഥാനത്തെ 1.89 കോടിയിലധികം വരുന്ന ഗുണഭോക്താക്കൾക്കായി റീഫിൽ സബ്‌സിഡി തുക വിതരണം ചെയ്യുന്ന ചടങ്ങിൽ പങ്കെടുത്തുകൊണ്ട് സംസാരിക്കുകയായിരുന്നു അദ്ദേഹം.(Yogi Adityanath Announces Free LPG Cylinders On Diwali Holi Ujjwala Beneficiaries UP)
ഇതിനായി സംസ്ഥാന സർക്കാർ 1,500 കോടി രൂപയുടെ ബജറ്റ് വകയിരുത്തിയിട്ടുണ്ട്. സംസ്ഥാനത്ത് ഒരു ഗാർഹിക എൽ.പി.ജി സിലിണ്ടറിന്റെ വില 983.45 രൂപയാണെന്നും, ഇതിൽ 335 രൂപ കേന്ദ്ര സർക്കാർ സബ്‌സിഡിയായി നൽകുന്നുണ്ടെന്നും യോഗി ആദിത്യനാഥ് ചൂണ്ടിക്കാട്ടി. ബാക്കി തുകയിൽ ദീപാവലിക്കും ഹോളിക്കും നൽകുന്ന സൗജന്യ സിലിണ്ടർ തുക സംസ്ഥാന സർക്കാർ വഹിച്ച് ജനങ്ങൾക്ക് ആശ്വാസമേകാനാണ് തീരുമാനം. സൗജന്യമായി ലഭിക്കുന്ന ഈ തുക ഉപയോഗിച്ച് ജനങ്ങൾക്ക് ദീപാവലി ആഘോഷത്തിനുള്ള മധുരപലഹാരങ്ങളും ദീപങ്ങളും വാങ്ങാമെന്ന് അദ്ദേഹം പറഞ്ഞു.
മുൻ കോൺഗ്രസ് സർക്കാരുകളുടെ കാലത്ത് ഒരു ഗ്യാസ് കണക്ഷൻ ലഭിക്കാൻ ജനങ്ങൾ കഷ്ടപ്പെട്ടിരുന്നുവെന്നും, എന്നാൽ ബി.ജെ.പി സർക്കാർ നിർദ്ധന കുടുംബങ്ങൾക്ക് സൗജന്യമായി എൽ.പി.ജി കണക്ഷനുകൾ നൽകി നല്ല ഭരണത്തിന് മാതൃകയായെന്നും അദ്ദേഹം കുറ്റപ്പെടുത്തി.നവംബർ 7-ന് അയോധ്യയിൽ നടക്കാനിരിക്കുന്ന ‘ദീപോത്സവം’ ജാതിരഹിത സാമൂഹിക ഐക്യത്തിന്റെ പ്രതീകമാണെന്നും, 2017-ൽ ബി.ജെ.പി സർക്കാർ അധികാരത്തിൽ വന്ന ശേഷമാണ് ഈ സാംസ്കാരിക പൈതൃകത്തെ ജനകീയ ഉത്സവമാക്കി മാറ്റിയതെന്നും അദ്ദേഹം എക്‌സിൽ കുറിച്ചു.
Story Summary
Uttar Pradesh Chief Minister Yogi Adityanath announced that eligible families under the Pradhan Mantri Ujjwala Yojana (PMUY) will receive one free LPG cylinder each during Diwali and Holi. The UP government has allocated ₹1,500 crore to provide refill subsidies to over 1.89 crore beneficiaries. Adityanath emphasized that this measure will lighten the financial burden on poor families during festivals. He also highlighted Ayodhya’s upcoming Deepotsav celebration on November 7 as a grand symbol of social unity.
