വിവോയുടെ പുതിയ പ്രീമിയം സ്മാർട്ട്ഫോണായ വിവോ എക്സ്200ടി (Vivo X200T) ഉടൻ ഇന്ത്യൻ വിപണിയിലെത്തും. പ്രമുഖ ഇ-കൊമേഴ്സ് പ്ലാറ്റ്ഫോമായ ഫ്ലിപ്കാർട്ടിൽ ഫോണിന്റെ ടീസർ ഇതിനകം പ്രത്യക്ഷപ്പെട്ടിട്ടുണ്ട്. 2026 ജനുവരി അവസാന വാരത്തോടെ, റിപ്പബ്ലിക് ദിന സെയിലിനോടനുബന്ധിച്ച് ഫോൺ വിപണിയിലെത്തുമെന്നാണ് സൂചന. വിവോ എക്സ്200 സീരീസിലെ വിവോ എക്സ്200, വിവോ എക്സ്200 എഫ്.ഇ എന്നീ മോഡലുകളുടെ സവിശേഷതകൾ സംയോജിപ്പിച്ചുകൊണ്ടുള്ള ഒരു മിഡ്-റേഞ്ച് ഫ്ലാഗ്ഷിപ്പ് ഫോണായിരിക്കും ഇത്.
Zeiss ക്യാമറ സാങ്കേതികവിദ്യയാണ് ഈ ഫോണിന്റെ പ്രധാന ആകർഷണം. പിന്നിൽ 50 മെഗാപിക്സലിന്റെ മൂന്ന് ക്യാമറകൾ അടങ്ങിയ സർക്കുലർ ക്യാമറ മോഡ്യൂളാണ് നൽകിയിരിക്കുന്നത്. മികച്ച ഫോട്ടോഗ്രഫി അനുഭവത്തിനായി Zeiss T കോട്ടിംഗും ഇതിലുണ്ട്. മീഡിയടെക് ഡൈമെൻസിറ്റി 9400+ ചിപ്സെറ്റാണ് ഫോണിന് കരുത്ത് പകരുന്നത്. കൂടാതെ, ആൻഡ്രോയിഡ് 16 അടിസ്ഥാനമാക്കിയുള്ള ഒറിജിൻ ഒഎസ് 6 (OriginOS 6) ലായിരിക്കും ഈ ഹാൻഡ്സെറ്റ് പ്രവർത്തിക്കുക.
Also Read: മൊബൈൽ പേയ്മെന്റുകൾ സുരക്ഷിതമാക്കാം; ചതിക്കുഴികളിൽ വീഴാതിരിക്കാൻ ഈ 5 കാര്യങ്ങൾ ശ്രദ്ധിക്കൂ!
സവിശേഷതകളിലേക്ക് നോക്കിയാൽ, 120 ഹെർട്സ് റിഫ്രഷ് റേറ്റുള്ള 6.67 ഇഞ്ച് 1.5കെ അമോലെഡ് ഡിസ്പ്ലേയാണ് ഫോണിലുള്ളത്. 16 ജിബി വരെ റാമും 1 ടിബി സ്റ്റോറേജും ഈ മോഡലിൽ പ്രതീക്ഷിക്കുന്നു. 6,200 എം.എ.എച്ച് കരുത്തുള്ള വലിയ ബാറ്ററിയും 90 വാട്സ് ഫാസ്റ്റ് ചാർജിംഗ് സൗകര്യവും ഫോണിനെ കൂടുതൽ ആകർഷകമാക്കുന്നു.
The post വിവോ എക്സ്200ടി ഇന്ത്യയിലേക്ക്; പുതിയ സ്മാർട്ട്ഫോൺ ഉടൻ എത്തും appeared first on Express Kerala.
