ബിഹാറിൽ ആർജെഡിക്കൊപ്പം ചേർന്ന് അധികാരം പിടിക്കാമെന്ന കോൺഗ്രസിന്റെ മോഹങ്ങൾക്ക് തിരിച്ചടിയായി എംഎൽഎമാരുടെ അട്ടിമറി നീക്കം ശക്തമാകുന്നു. കോൺഗ്രസ് ടിക്കറ്റിൽ വിജയിച്ച 6 എംഎൽഎമാർ എൻഡിഎ പക്ഷത്തേക്ക് ചേക്കേറുമെന്ന ചർച്ചകളാണ് ഇപ്പോൾ രാഷ്ട്രീയ കേന്ദ്രങ്ങളിൽ സജീവമായിരിക്കുന്നത്. മകരസംക്രാന്തി കഴിഞ്ഞതോടെ സംസ്ഥാനത്ത് രാഷ്ട്രീയ മാറ്റങ്ങളുടെ ശുഭകാലം തുടങ്ങിയെന്നും ഏതു നിമിഷവും എംഎൽഎമാരുടെ കൂടുമാറ്റം പ്രതീക്ഷിക്കാമെന്നുമാണ് ബിജെപി ക്യാമ്പുകളിൽ നിന്നുള്ള വിവരം.
അതേസമയം, ഈ വാർത്തകളെല്ലാം കോൺഗ്രസിനുള്ളിൽ ആശയക്കുഴപ്പമുണ്ടാക്കാനുള്ള ബിജെപിയുടെ തന്ത്രം മാത്രമാണെന്ന് പാർട്ടി നേതൃത്വം അവകാശപ്പെടുന്നു. C. പാർട്ടിയുടെ കെട്ടുറപ്പിനെ ബാധിക്കുന്ന നീക്കങ്ങളെ പ്രതിരോധിക്കാനാണ് ഔദ്യോഗിക നേതൃത്വത്തിന്റെ ശ്രമം.
എങ്കിലും കോൺഗ്രസിനുള്ളിലെ അസ്വസ്ഥതകൾ മറനീക്കി പുറത്തുവരുന്നുണ്ട്. ആകെയുള്ള എംഎൽഎമാരിൽ നാലുപേരെങ്കിലും ഇതിനോടകം തന്നെ ബിജെപി നേതൃത്വവുമായി നേരിട്ട് ആശയവിനിമയം നടത്തിയതായാണ് സൂചനകൾ. കഴിഞ്ഞ ദിവസം തൊഴിലുറപ്പ് പദ്ധതിയുമായി ബന്ധപ്പെട്ട സമരപരിപാടികൾ ചർച്ച ചെയ്യാൻ വിളിച്ചുചേർത്ത സുപ്രധാന യോഗത്തിൽ നിന്ന് ആറ് എംഎൽഎമാരും വിട്ടുനിന്നത് ഈ സംശയങ്ങൾക്ക് ആക്കം കൂട്ടുന്നു. ഇവർ ജെഡിയുവിലേക്കാണോ അതോ നേരിട്ട് ബിജെപിയിലേക്കാണോ പോകുന്നത് എന്ന കാര്യത്തിൽ മാത്രമാണ് നിലവിൽ അവ്യക്തതയുള്ളത്.
ഈ നീക്കം യാഥാർത്ഥ്യമായാൽ ബിഹാറിലെ കോൺഗ്രസിന്റെ നിലനിൽപ്പ് തന്നെ അപകടത്തിലാകുമെന്നാണ് വിലയിരുത്തൽ. ദേശീയ തലത്തിൽ പ്രതിപക്ഷ ഐക്യത്തിനായി ശ്രമിക്കുന്ന കോൺഗ്രസിന് സ്വന്തം എംഎൽഎമാരെ പിടിച്ചുനിർത്താൻ കഴിയാത്തത് വലിയ രാഷ്ട്രീയ ക്ഷീണമായി മാറും. ബിജെപി തങ്ങളുടെ ‘ഓപ്പറേഷൻ താമര’ ബിഹാറിലും പരീക്ഷിക്കുന്നതിന്റെ ഭാഗമായാണ് ഈ അട്ടിമറി നീക്കങ്ങളെ രാഷ്ട്രീയ നിരീക്ഷകർ കാണുന്നത്
The post കോൺഗ്രസ് വിട്ട് എൻഡിഎയിലേക്ക്? മറുകണ്ടം ചാടാൻ 6 എംഎൽഎമാർ appeared first on Express Kerala.
