Skip to content
November 16, 2026
⌕

‘യൂണിറ്റിന് 4 രൂപ വരെ മാത്രം വിലയുള്ളപ്പോഴാണ് 11 രൂപയ്ക്ക് കരാർ ഒപ്പിട്ടത്, വ്യക്തമായ മറുപടി പറയാൻ മുഖ്യമന്ത്രി തയ്യാറാകണം’: പിണറായി വിജയൻ | Pinarayi Vijayan

November 15, 2026
Share this post to
 Pinarayi Vijayan

തിരുവനന്തപുരം: ടെൻഡറോ റെഗുലേറ്ററി കമ്മീഷന്റെ അനുമതിയോ ഇല്ലാതെ വി.ഇ.എച്ച് ഗ്ലോബൽ എന്ന കമ്പനിയിൽ നിന്നും യൂണിറ്റിന് 11 രൂപ നിരക്കിൽ 200 മെഗാവാട്ട് വൈദ്യുതി വാങ്ങിയതിൽ വലിയ അഴിമതിയുണ്ടെന്ന് പ്രതിപക്ഷ നേതാവ് പിണറായി വിജയൻ ആരോപിച്ചു. ഇത് സംബന്ധിച്ച് നവംബർ 10-ലെ പ്രസ്താവനയിൽ ഉന്നയിച്ച ആരോപണങ്ങൾക്ക് പിന്നാലെ, ഈ ഇടപാടിന്റെ കൂടുതൽ വിവരങ്ങളും രേഖകളും അദ്ദേഹം പുറത്തുവിട്ടു.(Pinarayi Vijayan Alleges Corruption In UDF Government Power Purchase Deal)

വൈദ്യുതി നിയമത്തിലെ സെക്ഷൻ 62, 63 പ്രകാരം റെഗുലേറ്ററി കമ്മീഷൻ അംഗീകരിച്ച രീതിയിലോ മത്സരാധിഷ്ഠിത ടെൻഡറിലൂടെയോ മാത്രമേ വൈദ്യുതി വാങ്ങൽവില നിർണ്ണയിക്കാവൂ. എന്നാൽ കാറ്റിൽ നിന്നുള്ള വൈദ്യുതിക്ക് യൂണിറ്റിന് 3 മുതൽ 4 രൂപ വരെ മാത്രം വിപണി വിലയുള്ളപ്പോഴാണ്, യാതൊരുവിധ ടെൻഡർ നടപടികളുമില്ലാതെ വി.ഇ.എച്ച് ഗ്ലോബലിന്റെ വെറും ഓഫറുകളുടെ അടിസ്ഥാനത്തിൽ യൂണിറ്റിന് 11 രൂപ നിരക്കിൽ സർക്കാർ കരാർ ഒപ്പിട്ടത്. റെഗുലേറ്ററി കമ്മീഷൻ ഇതുവരെ അംഗീകാരം നൽകാത്ത ഈ വഴിവിട്ട നടപടിയിലൂടെ സംസ്ഥാന ഖജനാവിന് വൻ നഷ്ടമാണ് ഉണ്ടായിരിക്കുന്നതെന്ന് പ്രതിപക്ഷ നേതാവ് കുറ്റപ്പെടുത്തി.

കഴിഞ്ഞ മാസം സെപ്റ്റംബർ 22-നാണ് പീക്ക് സമയത്ത് വൈദ്യുതി നൽകണമെന്ന വി.ഇ.എച്ചിന്റെ ഓഫർ സർക്കാർ അംഗീകരിച്ചത്. എന്നാൽ, ഈ കമ്പനിക്ക് ടെൻഡറിൽ പങ്കെടുക്കാൻ പോലും യോഗ്യതയില്ലെന്ന് സർക്കാർ ഉത്തരവിൽ തന്നെ വ്യക്തമാക്കുന്നുണ്ടെന്നതാണ് ഇതിലെ ഏറ്റവും വലിയ വിരോധാഭാസമെന്നും അദ്ദേഹം ചൂണ്ടിക്കാട്ടി. യോഗ്യതയില്ലാത്ത ഒരു കമ്പനിക്ക് ഈ രീതിയിൽ കരാർ നൽകിയത് ആരുടെ താല്പര്യപ്രകാരമാണെന്ന് മുഖ്യമന്ത്രി വ്യക്തമാക്കണം. മുൻപ് ജി.എൻ.എ കരാറിലെ അഴിമതി ആരോപണങ്ങളിൽ നിന്ന് ‘കരാറിൽ ഒപ്പിട്ടില്ലല്ലോ’ എന്ന് പറഞ്ഞ് ഒളിച്ചോടിയ മുഖ്യമന്ത്രിക്ക്, ഒപ്പുവെച്ച ഈ അഴിമതിക്കരാറിന്റെ കാര്യത്തിൽ ജനങ്ങളോട് മറുപടി പറയേണ്ടി വരുമെന്നും പിണറായി വിജയൻ വ്യക്തമാക്കി.

Story Summary

Opposition Leader Pinarayi Vijayan has alleged a major corruption scam in the UDF government’s decision to purchase 200 megawatts of power from VEH Global at ₹11 per unit without adhering to competitive bidding or obtaining Regulatory Commission approval. Highlighting that wind power generally costs between ₹3 to ₹4 per unit, he pointed out the irony that the company lacked eligibility to participate in tenders and demanded a clear response from the Chief Minister regarding the controversial deal.

Get more updates from Pudukad News on Google