Skip to content
November 17, 2026
⌕

രഹസ്യ ദൗത്യവുമായി സ്പേസ് എക്സ് വീണ്ടും കുതിച്ചുയരുന്നു; യുഎസ്എസ്എഫ്-317 വിക്ഷേപണം നവംബർ 19ന്

November 16, 2026
Share this post to

വാഷിങ്ടൺ: ഇലോൺ മസ്കിന്റെ ഉടമസ്ഥതയിലുള്ള ബഹിരാകാശ പര്യവേഷണ കമ്പനിയായ സ്പേസ് എക്സ് അടുത്ത റോക്കറ്റ് വിക്ഷേപണത്തിന് ഒരുങ്ങുന്നു. യുണൈറ്റഡ് സ്റ്റേറ്റ്സ് സ്പേസ് ഫോഴ്സിന് വേണ്ടി നടത്തുന്ന അതീവ രഹസ്യ ദൗത്യമായ യുഎസ്എസ്എഫ്-317 നവംബർ 19ന് കാലിഫോർണിയയിലെ വാൻഡൻബർഗ് സ്പേസ് ഫോഴ്സ് ബേസിൽ നിന്ന് വിക്ഷേപിക്കും.

സ്പേസ് ലോഞ്ച് കോംപ്ലക്സ് 4 ഈസ്റ്റിൽ നിന്നായിരിക്കും ഫാൽക്കൺ 9 ബ്ലോക്ക് 5 റോക്കറ്റിന്റെ വിക്ഷേപണം. ഇന്ത്യൻ സമയം രാത്രി 8.30നും അടുത്ത ദിവസം പുലർച്ചെ 12.30നും ഇടയിലാണ് വിക്ഷേപണത്തിന് നിശ്ചയിച്ചിരിക്കുന്ന സമയം.


പതിനൊന്നാം തവണയും ബഹിരാകാശത്തേക്ക് കുതിക്കുന്ന B1100 ബൂസ്റ്ററാണ് റോക്കറ്റിന്റെ പ്രത്യേകത. രഹസ്യ സ്വഭാവമുള്ള ലോ എർത്ത് ഓർബിറ്റ് പേലോഡാണ് ദൗത്യത്തിലൂടെ ഭ്രമണപഥത്തിലെത്തിക്കുക.


ദൗത്യത്തിന് ശേഷം തിരിച്ചെത്തുന്ന ബൂസ്റ്റർ പസഫിക് സമുദ്രത്തിലെ ‘ഓഫ് കോഴ്സ് ഐ സ്റ്റിൽ ലവ് യു’ (OCISLY) ഡ്രോൺഷിപ്പിൽ ലാൻഡ് ചെയ്യുമെന്നാണ് പ്രതീക്ഷിക്കുന്നത്.

നവംബർ 14ന് നടന്ന സ്റ്റാർഷിപ്പ്-15 പരീക്ഷണത്തിലും സ്പേസ് എക്സ് ശ്രദ്ധേയമായ നേട്ടം കൈവരിച്ചിരുന്നു. 26 സ്റ്റാർലിങ്ക് ഉപഗ്രഹങ്ങളെ ഭ്രമണപഥത്തിലെത്തിച്ച ശേഷം തിരിച്ചെത്തിയ സ്റ്റാർഷിപ്പ് അപ്പർ സ്റ്റേജിനെ വിക്ഷേപണത്തറയിലെ ‘ചോപ്സ്റ്റിക്സ്’ സംവിധാനമുപയോഗിച്ച് സുരക്ഷിതമായി പിടിച്ചെടുക്കാൻ കമ്പനിക്ക് സാധിച്ചു.

അടുത്ത പരീക്ഷണമായ സ്റ്റാർഷിപ്പ്-16 ഡിസംബർ 10നോ അടുത്ത വർഷം ആദ്യമോ ഫ്ലോറിഡയിലെ നാസയുടെ കെന്നഡി സ്പേസ് സെന്ററിൽ നിന്ന് നടത്താനാണ് സ്പേസ് എക്സ് ലക്ഷ്യമിടുന്നത്.

Get more updates from Pudukad News on Google