കേരളത്തിലെ സ്വർണ്ണവിലയിൽ ഇന്ന് നേരിയ കുറവ് രേഖപ്പെടുത്തി. ഈ മാസത്തിന്റെ തുടക്കം മുതൽ വർദ്ധിച്ചുനിന്ന സ്വർണ്ണവിലയിൽ ഇന്നലെ മുതലാണ് ഏറ്റക്കുറച്ചിലുകൾ ദൃശ്യമായത്. ഇന്നലെ രാവിലെ പവന് 600 രൂപ കുറഞ്ഞെങ്കിലും ഉച്ചയ്ക്ക് ശേഷം വില വീണ്ടും ഉയർന്ന് 1,05,320 രൂപയിൽ എത്തിയിരുന്നു. എന്നാൽ ഇന്ന് ഗ്രാമിന് 20 രൂപ കുറഞ്ഞതോടെ പവൻ വില 1,05,160 രൂപയായും ഗ്രാം വില 13,145 രൂപയായും താഴ്ന്നു.
വിപണിയിൽ ചെറിയ മാറ്റങ്ങൾ ഉണ്ടാകുന്നുണ്ടെങ്കിലും സ്വർണ്ണവിലയിൽ വലിയ ഇടിവ് പ്രതീക്ഷിക്കേണ്ടതില്ലെന്നാണ് സാമ്പത്തിക വിദഗ്ധരുടെ വിലയിരുത്തൽ. ആഗോളതലത്തിലെ ഭൗമരാഷ്ട്രീയ തർക്കങ്ങളും വിപണിയിലെ അനിശ്ചിതാവസ്ഥയും വില ഉയർന്നുതന്നെ നിൽക്കാൻ കാരണമാകുന്നു. രാജ്യാന്തര വിപണിയിൽ ജനുവരി 14-ന് സ്വർണ്ണവില റെക്കോർഡ് ഉയരമായ 4,648 ഡോളറിൽ എത്തിയിരുന്നു. നിലവിൽ ഔൺസിന് 18 ഡോളർ കുറഞ്ഞ് 4,601 ഡോളറിലാണ് വ്യാപാരം നടക്കുന്നത്.
The post സ്വർണ്ണവിലയിൽ നേരിയ ആശ്വാസം! പവന് ഇന്ന് കുറഞ്ഞത് ഇങ്ങനെ; വില ഇനിയും താഴുമോ? appeared first on Express Kerala.
