അമേരിക്കയും ഇസ്രയേലും ചേർന്ന് സാധാരണക്കാരെ കൊന്നൊടുക്കുന്നത് കടുത്ത അനീതിയാണെന്ന് മുഖ്യമന്ത്രി പിണറായി വിജയൻ വിമർശിച്ചു. ഇറാനെതിരെയുള്ള ആക്രമണങ്ങൾക്ക് യാതൊരു ന്യായീകരണവുമില്ലെന്നും ഒരു രാജ്യത്തിന്റെ പരമാധികാരിയെപ്പോലും വധിക്കുന്ന നിലയിലേക്ക് കാര്യങ്ങൾ മാറിയെന്നും അദ്ദേഹം പറഞ്ഞു. ലോകത്ത് ‘കൈയൂക്കുള്ളവൻ കാര്യക്കാരൻ’ എന്ന നിലയിലാണ് കാര്യങ്ങൾ മുന്നോട്ട് പോകുന്നത്.
രാജ്യാന്തര വിഷയങ്ങളിൽ ഇന്ത്യയുടെ പൈതൃകത്തിന് ചേരുന്ന നിലപാടല്ല കേന്ദ്ര സർക്കാർ സ്വീകരിക്കുന്നതെന്ന് മുഖ്യമന്ത്രി കുറ്റപ്പെടുത്തി. ഇസ്രയേൽ പ്രധാനമന്ത്രിയെ ചേർത്തുപിടിക്കുന്ന സമീപനമാണ് നരേന്ദ്ര മോദിയുടേത്. യുദ്ധത്തിനെതിരെ ഒരക്ഷരം പോലും പറയാൻ കേന്ദ്രം തയ്യാറാകുന്നില്ല എന്നത് നിർഭാഗ്യകരമാണെന്നും അദ്ദേഹം കൂട്ടിച്ചേർത്തു. സമാധാനത്തിന്റെ പക്ഷത്ത് നിൽക്കേണ്ട ഇന്ത്യയുടെ നിലപാട് മാറ്റത്തെ അദ്ദേഹം ശക്തമായി എതിർത്തു.
Also Read: തിരുവനന്തപുരത്ത് 3 ദിവസം ജലവിതരണം മുടങ്ങും! 26 വാർഡുകളിൽ ജാഗ്രതാനിർദ്ദേശം
അതേസമയം, അതിനിടെ, ജിഫ്രി മുത്തുകോയ തങ്ങൾക്ക് അവാർഡ് നൽകാൻ സാധിച്ചതിൽ സന്തോഷം ഉണ്ട്. മുത്തുകോയ തങ്ങളുടെ ആഴത്തിലും പരപ്പിലുമുള്ള അറിവ് അദ്ദേഹത്തിൻ്റെ പൊതുജീവിതത്തെ അടയാളപ്പെടുത്തുന്നതാണ്. വർഗീയ ശക്തികൾ രാജ്യത്തെ തകർക്കാൻ ശ്രമിക്കുന്ന കാലത്ത്, ജിഫ്രി തങ്ങൾ സമസ്തയെ നയിക്കുന്നത് അഭിനന്ദനാർഹമാണ്. ജിഫ്രി തങ്ങൾക്ക് അവാർഡ് നൽകാൻ സാധിച്ചതിൽ വലിയ സന്തോഷമുണ്ടെന്നും മുഖ്യമന്ത്രി ചടങ്ങിൽ പറഞ്ഞു.
The post അമേരിക്കയും ഇസ്രയേലും സാധാരണക്കാരെ വേട്ടയാടുന്നു: മുഖ്യമന്ത്രി appeared first on Express Kerala.
