പ്രവേശനോത്സവവും പോഷകാഹാര ക്ലാസും നടത്തി

ഇരിങ്ങാലക്കുട : പടിയൂർ പഞ്ചായത്ത് അമൃതം 111-ാം നമ്പർ അങ്കണവാടിയിൽ പുതിയ വിദ്യാർഥികളുടെ സ്വീകരണവും തുടർപഠനത്തിന് പോകുന്നവരെ അനുമോദിക്കലും നടത്തി.

ഇതോടനുബന്ധിച്ച് അമ്മമാർക്കും കുട്ടികൾക്കുമുള്ള പോഷകാഹാര ക്ലാസും സംഘടിപ്പിച്ചു.

പടിയൂർ പഞ്ചായത്ത് പ്രസിഡന്റ് കെ.പി. കണ്ണൻ ഉദ്ഘാടനം നിർവഹിച്ചു.

വാർഡ് മെമ്പർ കെ.വി. ഹജീഷ് അധ്യക്ഷനായി.

വി.ആർ. രഞ്ജിത്ത്, ആശാവർക്കർമാരായ മിനി, സുഷമ, മുൻ സി.ഡി.എസ്. മെമ്പർ ഗീത മോഹൻ, ലത സഹദേവൻ, അങ്കണവാടി വർക്കർ വിജി എന്നിവർ പ്രസംഗിച്ചു.

നാട്ടറിവ് ഗവേഷകനും പരിസ്ഥിതി പ്രവർത്തകനുമായ വി.കെ. ശ്രീധരൻ, ചെറുധാന്യങ്ങളുടെ പ്രചാരകനായ വി.കെ. സുരേഷ് കുമാർ എന്നിവർ ക്ലാസുകൾ നയിച്ചു.