കാൽപ്പന്ത് ആവേശത്തിൽ വേറിട്ടൊരു പുസ്തകം ; ‘കാൽപ്പന്തുകൊണ്ട് കവിതയെഴുതുമ്പോൾ’ പ്രകാശനം ചെയ്തു

ഇരിങ്ങാലക്കുട: ലോകകപ്പ് ഫുട്ബോൾ സീസണിന് ആവേശം പകർന്ന് ഫാ. ടെജി കെ. തോമസ് രചിച്ച ‘കാൽപ്പന്തുകൊണ്ട് കവിതയെഴുതുമ്പോൾ’ എന്ന പുസ്തകം പ്രകാശനം ചെയ്തു.

ഇരിങ്ങാലക്കുട ക്രൈസ്റ്റ് കോളെജ് മലയാളവിഭാഗത്തിന്റെയും വായന ക്ലബിൻ്റെയും ആഭിമുഖ്യത്തിൽ സെൻ്റ് ചാവറ സെമിനാർ ഹാളിൽ നടന്ന ചടങ്ങിൽ ജി.വി. രാജ അവാർഡ് ജേതാവ് ഫാ. ജോയ് പിണിക്കപറമ്പിൽ പുസ്തക പ്രകാശനം നിർവ്വഹിച്ചു.

പ്രിൻസിപ്പൽ റവ. ഫാ. ഡോ. ജോളി ആൻഡ്രൂസ് അധ്യക്ഷത വഹിച്ചു.

മെസ്സി, റൊണാൾഡോ, മറഡോണ, സാദിയോ മാനെ, ഐ.എം. വിജയൻ തുടങ്ങിയ ഫുട്ബോൾ പ്രതിഭകളുടെ അതിജീവനത്തിന്റെ കഥകളും കായികരംഗത്തെ വേറിട്ട കാഴ്ചകളും കോർത്തിണക്കിയതാണ് കൃതി.

കളിക്കളത്തിലെ വിസ്മയങ്ങൾക്കൊപ്പം മനുഷ്യത്വത്തിന്റെ നേർച്ചിത്രങ്ങളും വരച്ചുകാട്ടുന്നുണ്ട് ഈ പുസ്തകം.