പേരത്തൈകൾ നട്ട് വിഷൻ ഇരിങ്ങാലക്കുടയുടെ ഞാറ്റുവേല മഹോത്സവത്തിന് വേറിട്ട തുടക്കം

ഇരിങ്ങാലക്കുട : “അറിവ് ആരോഗ്യം ആയുസ്സ്” എന്ന ആപ്തവാക്യവുമായി വിഷൻ ഇരിങ്ങാലക്കുടയുടെ 10 -ാമത് ഞാറ്റുവേല മഹോത്സവത്തിന് ഇരിങ്ങാലക്കുട മെയിൻ റോഡിലെ ലിറ്റിൽ ഫ്ലവർ കോൺവെന്റിന് സമീപമുള്ള ജ്യോതിസ് കോളെജിൽ തുടക്കമായി.

മണ്ഡലത്തിലെ മുഴുവൻ ജനപ്രതിനിധികളും ഒത്തുചേർന്ന് മൺകുടത്തിൽ പേരത്തൈകൾ നട്ടാണ് ഞാറ്റുവേല മഹോത്സവത്തിന്റെ ഉദ്ഘാടനം നിർവഹിച്ചത്.

ചടങ്ങിൽ വിഷൻ ഇരിങ്ങാലക്കുട ചെയർമാൻ ജോസ് ജെ. ചിറ്റിലപ്പിള്ളി അധ്യക്ഷത വഹിച്ചു.

അഡ്വ. തോമസ് ഉണ്ണിയാടൻ എംഎൽഎ മുഖ്യപ്രഭാഷണം നടത്തി.

നഗരസഭ ചെയർമാൻ എം.പി. ജാക്സൺ മുഖ്യാതിഥിയായി.

ഞാറ്റുവേല മഹോത്സവത്തിലെ ആദ്യ വില്പന ഐസിഎൽ ഫിൻകോർപ്പ് സിഎംഡി അഡ്വ. കെ.ജി. അനിൽകുമാർ നിർവഹിച്ചു.

തുടർന്ന് നടന്ന ജനപ്രതിനിധികളെ ആദരിക്കുന്ന ആദരപൂർവ്വം പരിപാടി സിനിമാതാരം ജയരാജ് വാര്യർ ഉദ്ഘാടനം ചെയ്തു.

ചടങ്ങിൽ ജില്ലാ പഞ്ചായത്ത് വൈസ് പ്രസിഡൻ്റ് ടി.കെ. സുധീഷ്, ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡൻ്റ് ടി.ജി. ശങ്കരനാരായണൻ, ക്രൈസ്റ്റ് കോളെജ് മാനേജർ ജോയ് പീണിക്കപറമ്പിൽ എന്നിവർ വിശിഷ്ടാതിഥികളായി.

പഞ്ചായത്ത് പ്രസിഡൻ്റുമാരായ റോസിലി ഫ്രാൻസിസ്, സരള വിക്രമൻ, ഷീജ ഉണ്ണികൃഷ്ണൻ, കെ.എസ്. തമ്പി, കെ.പി. കണ്ണൻ, പി.എസ്. മനു, കെ.കെ. ശിവൻകുട്ടി എന്നിവർ ആശംസകൾ നേർന്നു.

വിഷൻ ഇരിങ്ങാലക്കുട സെക്രട്ടറി കെ.എൻ. സുഭാഷ് സ്വാഗതവും ജനറൽ കൺവീനർ പി.ആർ. സ്റ്റാൻലി നന്ദിയും പറഞ്ഞു.