കൊല്ലം തുറമുഖത്ത് നങ്കൂരമിട്ട കപ്പലിൽ വൻ പൊട്ടിത്തെറി; എൻജിനീയർക്ക് പരിക്കുകൾ!

കൊല്ലം തുറമുഖത്ത് നങ്കൂരമിട്ടിരുന്ന വിദേശ കപ്പലിൽ അറ്റകുറ്റപ്പണിക്കിടെ ഉണ്ടായ അപ്രതീക്ഷിത പൊട്ടിത്തെറി. ആന്ധ്രയിൽ നിന്ന് ആഫ്രിക്കയിലേക്ക് അരിയുമായി പോവുകയായിരുന്ന ‘ഐഒഎൽ സഫയർ’ (IOL Sapphire) എന്ന കപ്പലിലാണ് ബുധനാഴ്ച ഉച്ചയ്ക്ക് ഒരുമണിയോടെ അപകടം നടന്നത്. യാത്രയ്ക്കിടെ എൻജിൻ തകരാർ അനുഭവപ്പെട്ടതിനെത്തുടർന്നാണ് കപ്പൽ കൊല്ലം പോർട്ടിൽ നങ്കൂരമിട്ടിരുന്നത്.

ഇവിടെ വെച്ച് അറ്റകുറ്റപ്പണികൾ നടത്തുന്നതിനിടയിലാണ് ഈ അപകടം സംഭവിച്ചിരിക്കുന്നത്.

ALSO READ;അമേരിക്ക പേടിക്കണോ, നീക്കത്തിന് പിന്നിലെന്ത്..! ഇന്ത്യയിലേക്ക് പുതിയ റെയിൽപ്പാതയൊരുക്കാൻ റഷ്യ

കപ്പലിന്റെ ജനറേറ്റർ റൂമിൽ വെച്ച് വെൽഡിങ് ജോലികൾ നടത്തുന്നതിനിടയിലാണ് പൊട്ടിത്തെറിയുണ്ടായത്. അപകടത്തിൽ കപ്പലിലെ എൻജിനീയറായ ഉത്തർപ്രദേശ് സ്വദേശി സത്യപ്രകാശിന് (40) പരിക്കേറ്റിട്ടുണ്ട്. മുഖത്തും നെഞ്ചിനുമാണ് അദ്ദേഹത്തിന് പൊള്ളലേറ്റിട്ടുള്ളത്. ഉടൻതന്നെ ഇദ്ദേഹത്തെ കൊല്ലത്തെ സ്വകാര്യ മെഡിക്കൽ കോളേജിൽ പ്രവേശിപ്പിച്ച് ആവശ്യമായ ചികിത്സകൾ നൽകി വരുന്നുണ്ട്.

The post കൊല്ലം തുറമുഖത്ത് നങ്കൂരമിട്ട കപ്പലിൽ വൻ പൊട്ടിത്തെറി; എൻജിനീയർക്ക് പരിക്കുകൾ! appeared first on Express Kerala.