ടിക്കറ്റുകൾ വലിച്ചെറിയണ്ട, സമ്മാനം നേടാം; വരുമാനം കൂട്ടാൻ പുതിയ പദ്ധിയുമായി കെ.എസ്.ആർ.ടി.സി

യാത്രക്കാരുടെ എണ്ണം കൂടുമ്പോഴും സൗജന്യയാത്രകൾ മൂലം വരുമാനത്തിലുണ്ടായ കുറവ് പരിഹരിക്കാൻ പുതിയ പദ്ധതിയുമായി കെ.എസ്.ആർ.ടി.സി. രംഗത്ത്. ടിക്കറ്റുകളിൽ പരസ്യങ്ങൾ പതിച്ചുനൽകി അധിക വരുമാനം കണ്ടെത്താനുള്ള നീക്കമാണ് കോർപ്പറേഷൻ നടപ്പിലാക്കുന്നത്. നിലവിൽ അയ്യായിരത്തോളം ബസുകളിലായി പ്രതിദിനം ഇരുപത്തിയൊന്ന് ലക്ഷത്തോളം പേരാണ് കെ.എസ്.ആർ.ടി.സി.യിൽ യാത്ര ചെയ്യുന്നത്. ജൂൺ 15-ന് പ്രിയദർശിനി യാത്ര ആരംഭിച്ചതോടെ സ്ത്രീയാത്രക്കാരുടെ എണ്ണത്തിൽ മുപ്പത് മുതൽ അൻപത് ശതമാനം വരെ വർദ്ധനവ് രേഖപ്പെടുത്തിയിട്ടുണ്ടെങ്കിലും ടിക്കറ്റ് വരുമാനത്തിൽ വലിയ ഇടിവാണ് ഉണ്ടായിരിക്കുന്നത്.

ഒരു വർഷം ഏകദേശം ഇരുപത്തിയേഴ് ലക്ഷത്തിലധികം പേപ്പർ റോളുകളാണ് കെ.എസ്.ആർ.ടി.സി. ഉപയോഗിക്കുന്നത്. അഞ്ച് ഒൻപത് സെന്റിമീറ്റർ നീളത്തിലും അഞ്ച് അഞ്ച് സെന്റിമീറ്റർ വീതിയിലുമുള്ള ടിക്കറ്റുകളുടെ ഒരു ഭാഗത്ത് പരസ്യം പതിച്ച് നൽകാനാണ് കോർപ്പറേഷൻ ലക്ഷ്യമിട്ടത്. ഇതിനായി പരസ്യ-മാർക്കറ്റിങ് ഏജൻസികളിൽ നിന്ന് ടെൻഡർ ക്ഷണിക്കുകയും ചെയ്തിരുന്നു. ലൈസൻസ് ലഭിക്കുന്ന ഏജൻസികൾ പ്രിന്റിങ് ചെലവ് വഹിക്കുകയും മാസംതോറും കോർപ്പറേഷന് ലൈസൻസ് ഫീസ് നൽകുകയും വേണമെന്നതായിരുന്നു വ്യവസ്ഥ. പരസ്യങ്ങൾ നിയമവിധേയമായിരിക്കണമെന്നും സർക്കാർ താൽപ്പര്യങ്ങൾക്ക് എതിരാകരുതെന്നും നിബന്ധനയുണ്ടായിരുന്നു.

Also Read:തലസ്ഥാനത്ത് ഹോട്ടലുകളിൽ മിന്നൽ പരിശോധന; സ്റ്റാർ ഹോട്ടലുകളടക്കം നൂറിലധികം സ്ഥാപനങ്ങളിൽ ഒരേസമയം റെയ്ഡ്

എങ്കിലും, യാത്ര കഴിഞ്ഞയുടൻ ആളുകൾ ടിക്കറ്റുകൾ വലിച്ചെറിയുമെന്നതിനാൽ പരസ്യം നൽകുന്നത് നഷ്ടത്തിന് ഇടയാക്കുമെന്ന വിലയിരുത്തലിൽ ആരും ഈ ടെൻഡറിൽ പങ്കെടുത്തിരുന്നില്ല. ഈ പ്രതിസന്ധി മറികടക്കാനാണ് ടിക്കറ്റുകൾ കൂടുതൽ സമയം കൈവശം വെക്കാൻ യാത്രക്കാരെ പ്രേരിപ്പിക്കുന്ന രീതിയിൽ സമ്മാനപദ്ധതി അവതരിപ്പിക്കാൻ കെ.എസ്.ആർ.ടി.സി. ഇപ്പോൾ തയ്യാറെടുക്കുന്നത്. പരസ്യം പതിച്ച ടിക്കറ്റുകൾ വഴി നറുക്കെടുപ്പ് നടത്തി സമ്മാനാർഹരെ കണ്ടെത്തുന്ന ഈ പുതിയ ആശയത്തിലൂടെ ടെൻഡർ വ്യവസ്ഥകൾ കൂടുതൽ ആകർഷകമാക്കാനാണ് കോർപ്പറേഷന്റെ തീരുമാനം.

NB: ഈ വാർത്തയിൽ ഉപയോഗിച്ചിരിക്കുന്ന ചിത്രം പ്രതീകാത്മകമാണ്. (AI SOURCES)

The post ടിക്കറ്റുകൾ വലിച്ചെറിയണ്ട, സമ്മാനം നേടാം; വരുമാനം കൂട്ടാൻ പുതിയ പദ്ധിയുമായി കെ.എസ്.ആർ.ടി.സി appeared first on Express Kerala.