ജന്തർ മന്തറിനെ പ്രതിഷേധ വേദികളുടെ പട്ടികയിൽ നിന്ന് ഒഴിവാക്കി ഡൽഹി പൊലീസ്; “ജന്തർ മന്തർ എടുത്തുമാറ്റിയാൽ ഇന്ത്യ മുഴുവൻ സമരവേദിയാകും” എന്ന് സിജെപി സ്ഥാപകൻ അഭിജിത് ദിപ്കെ

ന്യൂഡൽഹി: ഡൽഹിയുടെ പ്രധാന സമരവേദിയായ ജന്തർ മന്തറിനെ പ്രതിഷേധ കേന്ദ്രങ്ങളുടെ പട്ടികയിൽ നിന്ന് ഒഴിവാക്കിയ ഡൽഹി പൊലീസിന്റെ തീരുമാനത്തിനെതിരെ ‘കോക്രോച്ച് ജനത പാർട്ടി’ (സിജെപി) സ്ഥാപകൻ അഭിജിത് ദിപ്കെ. ജന്തർ മന്തർ എടുത്തുമാറ്റിയാൽ ഇന്ത്യയിലെ മുഴുവൻ പ്രദേശങ്ങളും ജന്തർ മന്തറായി മാറുമെന്ന് അദ്ദേഹം പ്രതികരിച്ചു.

ജന്തർ മന്തറിനെ മാറ്റി, ഡൽഹിയിലെ പ്രതിഷേധത്തിനുള്ള സ്ഥിരം വേദിയായി പുതിയ ഇടങ്ങൾ നിശ്ചയിച്ചുള്ള ഡൽഹി പൊലീസിന്റെ തിങ്കളാഴ്ചയാണ് പുറത്തിറങ്ങിയത്. 

രാംലീല മൈതാനം, ബുറാരി മൈതാനം, കിഴക്കൻ ഡൽഹിയിലെ സിബിഡി മൈതാനം എന്നിവയാണ് പുതിയ വേദികൾ. രാജ്യത്തെ പിടിച്ചുകുലുക്കിയ നിരവധി സമരങ്ങൾ നടന്ന ജന്തർ മന്തർ ഇനി പ്രതിഷേധവേദിയായിരിക്കില്ല.

എസ്‌ഐആർ വിഷയത്തിൽ മുഖ്യ തിരഞ്ഞെടുപ്പ് കമ്മിഷണർ ഗ്യാനേഷ്‌കുമാറിന്റെ രാജി ആവശ്യപ്പെട്ട് സിജെപി ഉൾപ്പെടെയുള്ള പ്രതിപക്ഷ രാഷ്ട്രീയപാർട്ടികളുടെയും യുവജന സംഘടനകളുടെയും നേതൃത്വത്തിൽ ജന്തർ മന്തറിനും സമീപത്തുമായി പ്രതിഷേധം നടക്കുകയാണ്. 

വരുംദിവസങ്ങളിൽ ഇവിടെ പ്രതിഷേധങ്ങൾക്കുള്ള ആസൂത്രണവും നടക്കുന്നുണ്ട്. അതിനിടെയാണ് ജന്തർ മന്തർ പ്രതിഷേധത്തിനുള്ള വേദിയല്ലെന്നുള്ള പ്രഖ്യാപനം വരുന്നത്.