തൃശ്ശൂരിലെ സംസ്ഥാന സ്കൂൾ കായികമേളയിലെ അപകടം: കേസെടുത്ത് പോലീസ്, പന്തൽ നിർമ്മാണത്തിൽ വീഴ്ചയെന്ന് FIR | Kerala State School Athletics Meet

തൃശ്ശൂർ: സംസ്ഥാന സ്കൂൾ കായികമേളയ്ക്കിടെ അക്വാട്ടിക് കോംപ്ലക്സിലെ താൽക്കാലിക മേൽക്കൂര തകർന്നുവീണ സംഭവത്തിൽ പോലീസ് കേസെടുത്തു. പന്തൽ നിർമ്മാണത്തിൽ വീഴ്ച സംഭവിച്ചതായി എഫ്.ഐ.ആറിൽ വ്യക്തമാക്കുന്നു.(Kerala State School Athletics Meet Roof Collapse Case Registered For Negligence)

മേൽക്കൂരയിലുപയോഗിച്ച ഷീറ്റുകൾ നട്ടുകളും ബോൾട്ടുകളും ഉപയോഗിച്ച് കൃത്യമായി ഉറപ്പിച്ചിരുന്നില്ലെന്ന് അന്വേഷണത്തിൽ കണ്ടെത്തിയിട്ടുണ്ട്. അക്വാട്ടിക് കോംപ്ലക്സിൽ ഗാലറിക്കായി നിർമ്മിച്ച താൽക്കാലിക പന്തലിന്റെ നിർമ്മാണത്തിലാണ് വീഴ്ച ഉണ്ടായിട്ടുള്ളത്.

സുരക്ഷാ മാനദണ്ഡങ്ങൾ പാലിക്കാതെ നിർമ്മിച്ചതാണ് അപകടത്തിന് വഴിവെച്ചത്. ശക്തമായ മഴയിലും കാറ്റിലും ഗാലറിയുടെ താൽക്കാലിക ഷീറ്റുകൾ പറന്നുപോവുകയും താഴേക്ക് തകർന്നുവീഴുകയുമായിരുന്നു. അപകടത്തിൽ മത്സരങ്ങളിൽ പങ്കെടുക്കാനെത്തിയ വിദ്യാർത്ഥികളും രക്ഷിതാക്കളുമടക്കം പത്തോളം പേർക്ക് പരിക്കേറ്റു. പരിക്കേറ്റവരിൽ നാല് കുട്ടികളുടെ തലയ്ക്ക് സാരമായ പരിക്കുണ്ട്. ഇവർ ചികിത്സയിലാണ്.

Story Summary

Police have registered a case regarding the temporary roof collapse at the Aquatic Complex during the Kerala State School Athletics Meet in Thrissur. The FIR highlights severe negligence in construction, specifically noting that the roofing sheets were not properly secured with nuts and bolts. Around ten people, including students and parents, were injured in the rain-triggered collapse, with four children sustaining serious head injuries.