കുവൈത്തിൽ സ്ക്രാപ്പ് യാർഡിലുണ്ടായ തീപിടിത്തം നിയന്ത്രണവിധേയമാക്കി; ആളപായമില്ല

കുവൈത്ത് സിറ്റി: സാൽമി റോഡിലെ അൽ-നഈം സ്ക്രാപ്പ് യാർഡിലുണ്ടായ വൻ തീപിടിത്തം അഗ്നിശമന സേനാംഗങ്ങൾ വിജയകരമായി നിയന്ത്രണവിധേയമാക്കി. തിങ്കളാഴ്ച രാവിലെയാണ് സംഭവം.

വിവരമറിഞ്ഞയുടൻ സ്ഥലത്തെത്തിയ ഫയർഫോഴ്സ് സംഘം നടത്തിയ ഊർജ്ജിത ശ്രമത്തിനൊടുവിൽ തീയണയ്ക്കാനായി. അപകടത്തിൽ ആർക്കും പരിക്കുകളോ ആളപായമോ റിപ്പോർട്ട് ചെയ്തിട്ടില്ലെന്ന് അധികൃതർ അറിയിച്ചു. തീപിടിത്തത്തിന്റെ കാരണം വ്യക്തമല്ല. സംഭവത്തിൽ അധികൃതർ അന്വേഷണം ആരംഭിച്ചിട്ടുണ്ട്.